Drejtori ekzekutiv i Këshillit të Investitorëve Evropianë në Kosovë, Shpend Balija, ka deklaruar se determinuesit kryesorë të rënies së investimeve të huaja direkte në Kosovë, në vlerën prej 100 milionë eurosh, më pak se në vitin paraprak, janë ngecjet në investimet e mëdha kapitale.
“Një nga arsyet kryesore për rënien e investimeve gjatë vitit 2016 është bllokimi apo mosimplementimi i projekteve madhore, të cilat ishin planifikuar më herët. Prolongimi i projekteve madhore si ‘Kosova e Re’ dhe projekte të tjera në sektorin e energjisë janë determinuesit kryesorë për rënien e investimeve të huaja në Kosovë. Këtu saktësisht fjala është edhe për Brezovicën dhe ‘Trepçën’. Të gjitha këto do të kishin një ndikim pozitiv të konsiderueshëm në rritjen e investimeve të huaja direkte në Kosovë”, ka deklaruar Balija në një intervistë për gazetën “Epoka e re”.
Pos këtyre faktorëve, sipas tij, në rënien e investimeve të huaja ka afektuar edhe niveli i korrupsionit, mangësitë institucionale, si dhe konkurrenca jolojale. “Mos të harrojmë se edhe trendët globalë vitin e kaluar në përgjithësi kanë pësuar rënie të investimeve të huaja direkte”, ka deklaruar ai.
Balija ka thënë se, edhe pavarësisht prej vlerësimeve pozitive për ambientin e të bërit biznes në Kosovë nga organizata me renome ndërkombëtare, mbetet ende për t’u bërë në eliminimin e procedurave burokratike dhe luftimin e korrupsionit. “Kosova është duke shënuar progres të rëndësishëm drejt ekonomisë së lirë të tregut, duke shënuar po një rritje në përqindjen e brutoproduktit vendor më të lartë se shtetet e rajonit. Gjithashtu, borxhi publik qëndron në nivel të kënaqshëm dhe relativisht kemi tatimin e ulët sa iu përket korporatave. Ndërsa korrupsioni, si dhe mangësitë e ndryshme institucionale, kanë krijuar një situatë jo të mirë për konkurrueshmërinë dhe rritjen e produktivitetit, duke limituar zhvillimin e një sektori më të fuqishëm privat. Pra, është me rëndësi të punohet drejt eliminimit të barrierave dhe krijimit të ambientit sa më të mirë për investime”, ka thënë ai.
Në këtë intervistë Baliaj ka folur edhe për pakon e re fiskale 2.0. Ai ka shprehur optimizëm se kjo pako do të jetë në favor të prodhuesve vendës dhe ambientit të të bërit biznes në Kosovë. “Pakoja e re fiskale është mjaft pozitive. Ne kemi pritje të mëdha nga kjo pako, pasi në të janë përfshirë një numër i madh i kërkesave të sektorit privat, duke përfshirë ato të prodhuesve vendës si dhe të kompanive ndërkombëtare. Tani ne mendojmë se kjo pako do të jetë në funksion të gjenerimit të investimeve të mëtutjeshme, rritjes ekonomike si dhe uljes së nivelit të papunësisë”, ka deklaruar Baliaj. /Epoka e Re/Telegrafi/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre