Depresioni i prek më shumë se 16 milionë amerikanë të rritur çdo vit, dhe më shumë se gjysma e tyre nuk gjejnë shërim tek antidepresuesit dhe trajtimet tjera tradicionale. Kur depresioni nuk trajtohet, ai i rrit mundësitë e abuzimit me alkool, drogë, e gjithashtu e rritë edhe rrezikun për të kryer vetëvrasje.
Por ketamina anestetike mund të ofrojë shpresë për personat të cilët nuk kanë mundësi tjera të trajtimit të depresionit. Kjo sepse disa hulumtime të fundit rreth ketaminës, e gjithashtu edhe deklarata të ndryshme nga ekspertët e kësaj fushe, kanë zbuluar se ky ilaç funksionon shumë shpejt, bën ndryshime të mira në diskonim, dhe mund të jetë zgjedhja ideale për personat të cilët nuk kanë trajtim më të mirë të depresionit, transmeton Telegrafi.
Por çfarë është ketamina?
Ketamina është ilaç anestetik i cili e bllokon dhimbjen. Fillimisht ishte krijuar në vitet e 1960’ta dhe përdorej për trajtimin e ushtarëve gjatë Luftës së Vietnamit. Veç kësaj, ketamina është përdorur edhe si qetësues për kafshë.
Me qëllim të lehtësimit të dhimbjes, ketamina i bën përdoruesit të ndjehen sikurse janë të shkëputur nga trupi i tyre. Ky sensacion i ‘largimit nga trupi’ e ka bërë ketaminën drogë të popullarizuar të klubeve, dhe njihet me pseudonimin “Special K”.
Në vitin 2000, hulumtuesit kishin filluar ta studionin ketaminën si tretman për depresionin. Përgjatë viteve, ata kishin zbuluar se ketamina e përmirëson shumë më shpejt disponimin se ilaçet antidepresive, dhe funksionon edhe atëherë kur disa ilaçe dështojnë.
Për çfarë përdoret ketamina?
Ketamina është aprovuar nga FDA si anestetik për ndërhyrje kirurgjike dhe procedura diagnostiko. Gjithashtu përdoret edhe për trajtimin e depresionit, mendimeve për vetëvrasje, për trajtimin e çrregullimit të stresit post-traumatik (PTSD), çrregullimet tjera të disponimit dhe për dhimbjet nervore.
Si përdoret ketamina?
Zakonisht ketamina merret përmes infuzionit, e cila është rruga më e shpejt për mjekësinë që të ndërhyjë te truri. Shumica e njerëzve fillojnë me rreth gjashtë doza përgjatë një periudhe 1-2 javëshe.
Si funksionon?
Hulumtuesit nuk e dinë saktësisht si funksionon ketamina për trajtimin e depresionit, por kanë disa ide rreth kësaj çështje. Ndryshe nga antidepresuesit, të cilët funksionojnë duke e ndryshuar balancimin e kimikaleve të trurit si serotonina dhe dopamina, ketamina mendohet të ndryshojë mënyrën se si qelizat e trurit komunikojnë me njëra-tjetrën. “Nëse e mendoni në terma kompjuterik, ketamina funksionon si rregullues i harduerit – jo si antidepresuesit, të cilët janë si rregullues të softuerit”, thotë Glen brooks, anesteziolog dhe drejtor mjekës për infuzionet me ketaminë në Nju Jork.
Ketamina e bllokon një lloj receptori në tru, ndryshe njihet si NMDA, i cili mendohet se luan rol në shkaktimin e depresionit. Studimet e fundja tregojnë se ketamina mund të ketë efekte afatgjate në trajtimin e depresionit, pavarësisht se ilaçi qëndron në gjak për një periudhë të shkurtë kohore. /Telegrafi/
Lufta Prigozhin - Putin
Më shumëNga Rubrika
Cilat vitamina mungojnë nëse ju bien flokët, ju mpihen duart apo keni ngërçe në stomak – çfarë duhet patjetër të hani
Ky është efekti surprizë që ka televizori te cilësia e gjumit dhe hormonet tuaja
Kujdes: Nëse i vëreni këto ndryshme në thonj, mund të jeni në rrezik!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre