0Shares

Për të gjithë të interesuarit për të mësuar më shumë në fushën e Marketingut & Shitjes është hapur zyrtarisht konkursi për aplikim në shkollën verore me standarde evropiane të organizuar nga European College of Kosovo në bashkëpunim me HAMK University nga Finlanda.

HAMK University nga shteti me sistemin arsimor më të mirë në botë Finlanda, dhe Kolegji Evropian i Kosovës një ndër institucionet e vetme në vend i cili vazhdimisht sjell risi në sistemin arsimor organizojnë këtë program tre ditor i hapur për të gjithë studentët e nivelit Bachelor/Master si dhe profesionistët e fushës së Marketingut, Shitjes, Menaxhimit dhe Biznesit. Ky program ofron dije, vlera sociale kulturore dhe akademike ku pjesëmarrësit do te mund te përfitojnë njohuri te reja dhe gjithashtu te shtojnë një aset mjaft te vlefshëm ne CV e tyre.

Gjatë programit pjesëmarrësit do të kenë mundësi të mësojnë nga profesorë/ekspertë finlandez dhe vendor përmes ligjëratave, mysafirëve folës nga Telegrafi.com si dhe vizitave studimore në kompaninë e suksesshme Gjirafa.com

Përveç eksperiencës së paharrueshme pjesëmarrësit do të përfitojnë njohuri nga ekspertët më të mirë të fushës ndërkombëtare dhe vendore të marketingut dhe shitjes, do të kenë mundësi të krijojnë miqësi të reja dhe padyshim që argëtimi nuk do të mungoj. Një nga faktorët mjaftë të rëndësishëm, të gjithë kandidatët do të fitojnë certifikatë ndërkombëtare nga HAMK University dhe ECK me 4 ECTS ndërkombëtare.

Kolegji Evropian i Kosovës është institucion evropian i arsimit të lartë i cili ofron programe praktike studimore në Ekonomi dhe Menaxhment, Teknologji Informative në Biznes, Juridik, Banka Financa dhe Kontabilitet sipas sistemit finlandez të edukimit i cili mundëson trajnime profesionale, punë praktike dhe zhvillim profesional në karrierë.

Për më shumë informata lidhur me këtë shkollë verore ju lutem vizitoni KËTU.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)