Me qëllim të mbështetjes dhe gjetjeve të mundësive për rritje ekonomike, zhvillim të prodhimit e punësim, Aleanca Kosovare e Bizneseve (AKB), ka hapur zyrën regjionale në Gjakovë.
Kryetari i AKB-së Agim Shahini, tha Gjakova në të kaluarën ka pas një industri të zhvilluar prodhuese dhe eksportuese, por pas luftës kjo anë ka mbetur shkatërruar.
Ai shtoi se AKB-ja, do ti ofroj Gjakovës investitorë të ndryshëm me qëllim të rritjes ekonomike dhe punësimeve të reja. “Ekonomia e vendit mund të rritet vetëm me zhvillimin e sektorit privat posaçërisht prodhimit”, tha Shahini.
Sipas tij, rritja ekonomike po i mungon në tërë vendin. “Ne do të përpiqemi që të gjitha shqetësimet e bizneseve të këtij regjioni që adresohen tek zyra në Gjakovë do të drejtohen për zgjidhje tek institucionet përkatëse”, tha kryetari i AKB-së.
Asnjëherë sipas tij nga ana e qeverive të kaluara dhe të tashmesh nuk ëhstë bërë shumë për bizneset dhe zhvillimin ekonomik.
Ndërkaq, Argjend Fetahu, kryetar i degës së AKB-së në Gjakovë, tha se hapja e kësaj zyre ka për qëllim të nxis politika më të mira për zhvillimin e kësaj anë.
“Nga sot bizneset do të kenë një mundësi të re për të avokuar e lobuar në mënyrë të organizuar përmes kësaj zyre të AKB-së, e cila do të jetë për bizneset dhe të tjerët që të zhvillojmë ekonominë”, tha Fetahu.
Sipas tij, kanë vizituar mbi 100 biznese të ndryshme për të identifikuar problemet e tyre, ku kemi vërejt se ato kanë shumë vërejtje në institucionet lokale e qendrore, prandaj nga sot do jemi bashkë që t’i zgjedhim ato. “AKB-ja në Gjakovë, do të jetë partner i qeverisë lokale dhe aleat i bizneseve dhe zyra do të jetë për të krijuar plane biznesi, projekte dhe mundësi në qasje në fonde financiare”, tha Fetahu.
Kryetari i AKB-së në Gjakovë, kërkoi nga të gjithë përkrahje në këtë mision ekonomik, ku vendi ka nevojë për më shumë punësime e angazhime të reja.
Shaip Muja, deputet i Kuvendi të Kosovës, tha se hapja e kësaj zyre tregon më së miri se sektori sistemi privat është shtylla e zhvillimit ekonomik.
Sipas tij, Qeveria e Kosovës, ka krijuar politika spekulative, por të cilat për qytetarët e bizneset nuk kanë qenë të dobishme.
Po të stimuloheshin bizneset do të kishim zhvillim më të hovshëm ekonomik. Ai kërkoi nga bizneset që për çdo shqetësim që hasin të vijnë në zyrat e deputetëve e të cilat do të adresohen.
Lahi Brahimaj, deputet i AAK-së në Kuvendin e Kosovës, tha se bujqësia fermerët e prodhuesit gjithnjë kanë qenë të shkelur. Bizneset e kanë derën e hapur që ti shprehin shqetësimet e tyre dhe të zgjidhen problemet.
Në kuadër të degës në Gjakovë, do të punësohen disa kuadro profesionale që do ta ndihmojnë dhe do ta mbështesin misionin e zhvillimit të ekonomisë vendore e në veçanti sektorit prodhues.
Më pas mbi 50 biznese të regjionit të Gjakovës aderuan në AKB-ë dhe iu ndanë certifikatat e anëtarësisë. /Telegrafi/
Lufta Prigozhin - Putin
Më shumëGoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
KEDS: Elektroseveri ka filluar t’i vendosë njehsorët e rrymës në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre