Zyrtarizohen ndryshimet e mëdha, Gjilani me president dhe aksionarë të rinj

Më në fund zyrtarizohen ndryshimet e mëdha që kanë ndodhur në klubin e futbollit Gjilani.

Pas disa javëve të vështira, klubi gjilanas është riorganizuar dhe ka udhëheqësi të re.

Ka qenë faqja zyrtare e Gjilanit qëka konfirmuar edhe presidentin e ri të klubit që është Afrim Veliu një afarist nga qyteti i Gjilanit që jeton dhe vepron në Zvicër.

Lexo po ashtu Gjilani fillon të ringjallet: Gentjan Mezani emërohet trajner, po afrohen edhe disa lojtarë

Ndërkohë në bordin e klubit do të jenë edhe aksionarët e tjerë si Fatlum Pireva, Qëndrim Demiri, Valmir Emini dhe Shaban Bajrami.

Njoftimi i plotë nga SC Gjilani:

Komunikatë zyrtare: Gjilani me aksionarë të rinj

Sport Club Gjilani konfirmon ndryshimet në udhëheqësinë e klubit, duke bërë të ditur që tashmë klubi kalon në duart e grupit të aksionarëve të rinj me përfaqësues ztr. Afrim Veliun, i cili njëherit do të bartë postin e presidentit.

Pjesë e bordit të klubit do të jenë aksionarët e tjerë, Fatlum Pireva, Qëndrim Demiri, Valmir Emini dhe Shaban Bajrami.

Klubi ka qenë në proces të ndërrimit të pronësisë dhe pritjes së investitorëve strategjik për të përmirësuar rritjen e ardhshme të klubit, me qëllimin e vetëm për të përfituar nga mundësitë si në fushën e blertë ashtu edhe në anën komerciale.

Si pjesë e këtij procesi, klubi mori në konsideratë të gjitha alternativat strategjike, duke përfshirë investimet e reja në klub, stabilitetin financiar dhe atë sportiv, si dhe ndërtimin e një ekipi të ri konkurues pas ndryshimeve të shumta të bëra në afatin kalimtar të verës.

Lexo po ashtu Shkëlqimi i Redon Ismailit në vitin 2023: Ofertat nga shumë skuadra, qëndrimi te Gjilani dhe paraqitja fantastike ndaj Prishtinës

Bordi i ardhshëm i klubit do të bëj një vlerësim të disa nismave për ta forcuar klubin, duke përfshirë zhvillimin e infrastrukturës, rritjen e akademisë së klubit, ndërtimin e një strukture kompetitive për ekipin e parë dhe afrimin edhe me të madh të tifozëve me klubin.

Gjithashtu, drejtuesit e rinj shprehin falënderimet më të sinqerta për gjithë qytetarët gjilanas dhe jo vetëm, për mikpritjen fantastike dhe durimin e shfaqur në kohët e krizës për klubin, i cili tashmë merr një rrugëtim të ri. /Telegrafi/