Zelensky tha se kundërsulmi ukrainas po zhvillohet me vështirësi

Presidenti ukrainas, Volodymyr Zelensky tha gjatë një konference për shtyp me kryeministrin finlandez, Petteri Orpo në Kiev se ushtria ukrainase “po përparon, por pak nga pak”, ndërsa kundërofensiva është shumë e vështirë.

“Ne shohim se në cilat drejtime po përparojmë, por është shumë e vështirë për ne, mijëra mina… por në fund të fundit, gjëja më e rëndësishme është tendenca që më raporton ushtria, që unë e marr çdo ditë”, tha lideri ukrainas.

Ministrja e Jashtme gjermane, Annalena Berbock tha dje se madhësia e fushave të minuara ruse në zonën e luftës në Ukrainë arrijnë sipërfaqen e Gjermanisë Perëndimore.

Në muajin korrik, Washington Post shkroi se Ukraina është tani vendi më i minuar në botë.

Ndërkohë, kryeministri finlandez deklaroi se ka ndarë edhe një paketë ndihme për ukrainasit.

Ndihma e 18-të finlandeze bëhet e ditur se do të përfshijë armë të rënda dhe municione. /Telegrafi/

Zelenskyy said that the Ukrainian counteroffensive is going very difficult

Ukrainian President Volodymyr Zelenskyy said during a press conference with Finnish Prime Minister Petteri Orpo in Kyiv that the Ukrainian military is "advancing, but little by little", while the… pic.twitter.com/VmhQxeS8S4

— NEXTA (@nexta_tv) August 23, 2023