Zelensky paralajmëron se Rusia mund të sulmojë vende të tjera në vitin 2028

Presidenti i Ukrainës, Volodymyr Zelensky, deklaroi se në rast se lufta në Ukrainë “bllokohet”, Rusia mund të sulmojë vende të tjera në vitin 2028.

Këtë deklaratë, siç shkruajnë mediat e huaja, përcjell Telegrafi, Zelensky e ka bërë në një konferencë shtypi në Spanjë.

“Për momentin Rusia po shqyrton skenarë të ndryshëm për vitet e ardhshme. Njëri prej tyre është veçanërisht i rrezikshëm. Nëse ka ndonjë pauzë në këtë agresion kundër Ukrainës, nëse kjo luftë ‘ngrihet’, atëherë do të ketë një moment të ri kritik në vitin 2028”, citohet të ketë thënë ai.

Lexo po ashtu Ukrainasit publikojnë pamjet që tregojnë eliminimin e "dy rusëve nga një distancë prej 1,500 metrash" – me saktësi

“Nëse lejojmë Rusinë të përshtatet tani, atëherë në vitin 2028 Kremlini do të jetë në gjendje të rivendosë potencialin ushtarak që i kemi privuar dhe Rusia do të ketë forcë të mjaftueshme për të sulmuar vendet që janë në fokusin e ambicieve të saj ekspansioniste. Përveç Ukrainës, këto janë padyshim vendet baltike dhe vendet me shumë ruse në territorin e tyre”, ka thënë më tej ai.

“Ky është informacion i qartë nga inteligjenca jonë dhe ne po ju dërgojmë një sinjal”, ka shtuar ai.

Lexo po ashtu Momenti kur një numër varkash me forca speciale ukrainase ‘pushtojnë’ Krimenë, natën - përpara përleshjes së përgjakshme me armë me rusët

“Zelensky theksoi se Rusia po kërkon mënyra për të ngrirë situatën dhe për t’u përshtatur, për të nxjerrë konkluzione nga gabimet e saj dhe përgatitet të përparojë”.

“Ju lutemi mbani mend se armiku më i rrezikshëm është ai që ka nxjerrë konkluzione dhe është përgatitur për sulmin e radhës në bazë të tyre”, ka thënë ndër tjerash Zelensky. /Telegrafi/