Xuxi surprizohet nga familja e tij në finalen e Big Brother VIP Kosova

Emocionet e finales së Big Brother VIP Kosova arritën kulmin, jo vetëm për shkak të performancës së Xuxit, por edhe për një moment të papritur.

Menjëherë pasi përfundoi performancën e tij të shkëlqyer, Xuxi u surprizua në skenë me praninë e familjes së tij – gruas, vajzës, motrës, nuses së djalit dhe djalit të tij.

Ky takim emocional preku zemrat e të gjithë të pranishmëve dhe të shikuesve para ekranit.

Xuxi, i përmbushur nga gëzimi dhe emocionet, u përqafua me familjen e tij dhe i ftoi të ulen pranë tij.

Në një moment të ngrohtë dhe të sinqertë, ai i prezantoi të gjithë me rend, duke treguar dashurinë dhe krenarinë e tij për ta.

Një nga momentet më prekëse ishte kur vajza e Xuxit, edhe pse nuk dinte mirë shqip, vendosi të flasë disa fjalë për babanë e saj në këtë gjuhë.

Ajo tha: “Ai ka qenë më i miri nga të gjithë dhe jam shumë krenare me të”.

Familja ndau mendimet e tyre për Xuxin, duke treguar se ai ka qenë një baba, bashkëshort dhe vëlla i jashtëzakonshëm, gjë që u reflektua në emocionet e papërmbajtura të finalistit.

Ky takim i veçantë ishte një moment i rrallë që i dha finales një dimension akoma më të ngrohtë dhe njerëzor, duke e bërë të paharrueshme për të gjithë të pranishmit dhe shikuesit. /Telegrafi/