Will Smith i kërkon falje Chris Rockut për shuplakën famëkeqe në “Oscars”: Jam thellësisht i penduar, sjellja ime ishte e papranueshme

Aktori, Will Smith i kërkoi një falje tjetër komedianit Chris Rock të premten (29 korrik) dhe zbuloi se ish-miku i tij ende nuk e ka falur atë për goditjen me shuplakë në skenën e “Oscars”.

Smith tha se ai kishte marrë tre muajt e fundit për të ‘punuar’ me veten dhe tani e kuptoi se sa njerëz lëndoi kur goditi Rock në skenën e ndarjes së çmimeve.

“Kam kontaktuar me Chris dhe mesazhi që mora ishte se ai nuk është gati të flasë dhe kur të jetë, ai do të më kontaktojë. Kështu që unë do të të them, Chris, të kërkoj falje. Sjellja ime ishte e papranueshme dhe unë jam këtu sa herë që jeni gati për të folur”, tha Will.

Ai gjithashtu i kërkoi falje gjithë familjes së tij, veçanërisht nënës së Rockut dhe vëllait të tij të vogël, Tony, shkruan DailyMail.

“Unë thjesht nuk e kuptova se sa njerëz u lënduan në atë moment, kështu që dua t’i kërkoj falje nënës së Chris. Dua t’i kërkoj falje Tony Rock… Ai ishte miku im dhe kjo ndoshta është e pariparueshme”, tha ai.

Ai gjithashtu i kërkoi falje Jada Pinkett Smith, gruas së tij, nderin e së cilës ai pretendoi se po e mbronte kur shpërtheu në atë mënyrë, dhe tha se ajo nuk kishte asnjë lidhje me të.

“Kam kaluar tre muajt e fundit duke ripërsëritur dhe kuptuar nuancat dhe kompleksitetin e asaj që ndodhi në atë moment. Nuk do të përpiqem t’i zbërthej të gjitha këto tani, por mund t’ju them të gjithëve, nuk ka asnjë pjesë e imja që mendon se ishte mënyra e duhur për t’u sjellë në atë moment”, tha tutje ai.

“Nuk ka asnjë pjesë e imja që mendon se kjo është mënyra optimale për të trajtuar një ndjenjë mosrespektimi ose fyerje”, u shpreh Smith.

Rock, i cili po drejtonte emisionin, bëri shaka se gruaja e Smith, Jada, dukej si ‘GI Jane’ për shkak të kokës së saj tullac. Së fundmi ajo kishte treguar se vuan nga alopecia.

Smith u vërsul në skenë dhe e goditi Rockun pasi tha: ‘Mbaje emrin e gruas sime nga goja jote’.

Lexo po ashtu Chris Rock për incidentin me Will Smithin: Kushdo që thotë fjalët lëndojnë nuk është goditur me shuplakë në fytyrë

Ai vazhdoi të fitojë çmimin ‘aktori më i mirë’ për rolin e tij në “King Richard” atë natë, por ai nuk i kërkoi falje në mënyrë specifike Rock.

Duke këmbëngulur se gruaja e tij nuk kishte asnjë lidhje me shuplakën, ai vazhdoi: ‘Unë bëra një zgjedhje timen nga përvojat e mia nga historia ime me Chris.

“Jada nuk kishte asnjë lidhje me të, me fal zemër. Dua të kërkoj falje ndaj fëmijëve të mi dhe familjen time për këtë që solla mbi të gjithë ne. Për të gjithë kolegët e mi të nominuar, ky është një komunitet. Është sikur fitova sepse më votuat dhe më thyhet zemra që të kam vjedhur dhe njollosur momentin”, tha aktori.

Smith vazhdoi të pretendonte se ‘zhgënjimi i njerëzve’ është ‘trauma qendrore’ e tij.

“Më vjen keq që vërtet nuk është e mjaftueshme. Të zhgënjej njerëzit është trauma ime qendrore. E urrej kur i zhgënjej njerëzit kështu që dhemb. Më lëndon psikologjikisht dhe emocionalisht kur e di se nuk jam në përputhje me imazhin dhe përshtypjen e njerëzve për mua, dhe puna që po përpiqem të bëj është se jam thellësisht i penduar”, tha aktori tutje.

“Dhe po përpiqem të jem i penduar pa pasur turp nga vetja. Unë jam njeri dhe kam bërë një gabim dhe po përpiqem të mos e mendoj veten si një ndyrësirë. Unë do t’u thoja atyre njerëzve që e di se ishte konfuze, e di që ishte tronditëse, por ju premtoj se jam thellësisht e përkushtuar, për të vendosur dritën, dashurinë dhe gëzimin në botë”, tha Smith.

Rock ndërkohë kohët e fundit adresoi polemikën në një shfaqje në Madison Square Garden të New Yorkut.

“Kushdo që thotë fjalë të lëndojnë nuk është goditur kurrë me grusht në fytyrë”, i tha ai turmës.

Smith i kërkoi faljen e parë Rockut në mars. Ai postoi një deklaratë të gjatë në Instagram ku tha se ‘dhuna në të gjitha format e saj’ ishte e gabueshme. /Telegrafi/