Vrau 13 persona pasi nuk e lejuan ta shikojë falas në TV ndeshjen Chelsea-Everton

13 persona kanë vdekur pasi një njeri shtiu me armë, pasi këtij të fundit nuk i është lejuar hyrja pa para në ndeshjen Chelsea-Everton. 

Kjo ka ndodhur në kryeqytetin  e Sudanit Jugor, Jura.

Duke shikuar ndeshjen e Ligës Premier ishin shumë persona ku përveç 13 të vdekurve kanë mbetur të lënduar edhe 10 persona.

“U rrëzova sapo më qëlluan, ndërkohë që të tjerë të rinj ranë mbi mua. Isha i pamundur që të ngrihesha, të paktën deri kur ai i qëlloi të gjithë plumbat që kishte. Shumë persona ishin qëlluar, shumë prej tyre kishin vdekur”, deklaroi Patrick, një i pranishëm në kafene.

Atentatori ishte i armatosur, dhe i dehur, ndërsa këtë e kishte bërë pasi që ai ka refuzuar të paguajë 0.50 euro për të parë ndeshjen Chelsea –Everton në televizion.

“Është një fatkeqësi e madhe dhe ne si qeveri e dënojmë këtë akt në mënyrën më të ashpër të mundshme”, deklaro zëdhënësi i qeverisë Paul Akol Kordit.

Mungesa e sigurisë në Juba është përkeqësuar që nga fillimi luftës civile, rreth tre vite më parë. /Telegrafi/