Vesa Luma mohon të ketë botoks në fytyrë: Në të ardhmen nëse do të më bëjë të lumtur, do ta bëj

Këngëtarja e njohur shqiptare, Vesa Luma, ka disa muaj që është rikthyer në Kosovës pas një vit qëndrimi në Zelandën e Re.

Ajo ka treguar se arsyeja e kthimit të saj është realizimi i disa projekteve të reja muzikore, të cilat do t’i lansojë së shpejti.

https://www.instagram.com/p/BtytXQ2B2sX/

Bëhet fjalë për një bashkëpunim me Denik Prizrenin, dhe një këngë solo, të cilat Vesa do t’i sjellë edhe me klipe.

Këngëtarja Luma është shumë e ndjekur edhe në rrjetet sociale, përmes së cilave ndan me ndjekësit fotografi dhe video të ndryshme nga jeta e saj.

Lexo po ashtu Intervista e Vesa Lumës për Telegrafin

Së fundmi, ajo u ka dhënë mundësinë ndjekësve të saj që t’i parashtrojnë nga një pyetje në rrjetin social Instagram, dhe më pas ajo do t’u përgjigjej.

https://www.instagram.com/p/Bs5yO6plaW5/

Në një pyetje të drejtuar nga fansat, asaj i është kërkuar të tregojë nëse ka botoks, teksa është përgjigjur duke thënë “Jo”, mirëpo nuk e përjashton mundësinë në të ardhmen që të përdorë po qe nevoja dhe dëshira e saj.

“Jo, nuk kam akoma, preferoj shumë trajtimet natyrale përderisa jam ende e re, por nuk e përjashtoj mundësinë që në një të ardhme nëse mendoj se do të më bëjë të lumtur, do ta bëj”, ka qenë përgjigja e këngëtares në Instagram.

Vesa përndryshe është e martuar prej gati pesë vitesh me reperin Big Basta, dhe së bashku kanë një djalë, të cilin e kanë pagëzuar me emrin Lian. /Telegrafi/