Vedat Muriqi kërkon falje për kartonin e kuq ndaj Elches, Mallorca i del në përkrahje sulmuesit

Vedat Muriqi ka kërkuar falje të martën për kartonin e kuq që e mori në fund të ndeshjes me Elchen të hënën ku skuadra luajti baras 1-1.

Në këtë ndeshje, Muriqi humbi një penallti për Mallorcan, ndërkohë një tjetër e ktheu në gol.

“Edhe pse dje dhashë gjithçka në fushë, do të doja të kontribuoja shumë më tepër për ekipin tim. Ju kërkoj falje të gjithëve, nuk do të ndalem kurrë duke luftuar e luftuar deri në pikën e fundit të gjakut për këtë emblemë”, ka shkruar Muriqi në Twitter të martën.

Aunque ayer lo di todo en el campo, me gustaría aportar mucho más a mi equipo. Mis disculpas a todos vosotros, nunca dejaré de luchar y luchar hasta la última gota de sangre por este escudo 🏴‍☠️ pic.twitter.com/GouDFJUQyp

— Vedat Muriqi (@MuriqiVedat) October 11, 2022

Muriqi u përjashtua me të kuq pas rishikimit të VAR-it, u shihej një zgjatje e shuplakës ndaj një futbollistit të Elches.

Edhe klubi sot gjatë ditës ka shkruar për Muriqin, duke i kërkuar të gëzohet. “Gëzohu, pirat”, ka shkruar faqja zyrtare e Mallorcaas duke e publikuar edhe një foto.

👺 ¡Arriba ese ánimo, pirata 🏴‍☠️! pic.twitter.com/cGIN1L9QSY

— Real Mallorca (@RCD_Mallorca) October 11, 2022

Muriqi këtë sezon është lojtari kryesor i Mallorcas, pasi ka katër gola deri më tani. /Telegrafi/