Vajza e R Kellyt del kundër këngëtarit: Babai im është një përbindësh, lutem për të gjitha viktimat që kanë vuajtur nga ai

Pas publikimit të një dokumentari lidhur me keqtrajtimet seksuale që ua ka bërë R Kelly grave dhe femrave të reja, vajza e tij, Buku Abi, e ka përshkruar këngëtarin si një përbindësh.

Përmes postimeve në rrjete sociale, ajo ka thënë se lutet për të gjitha femrat që kanë vuajtur nga keqtrajtimet e 52-vjeçarit.

https://www.instagram.com/p/BryzLe2h2ow/

Joann Kelly (emri i vërtetë i vajzës së muzikantit) ka thënë se ndihet tmerrësisht keq dhe e poshtëruar, pasi ka mësuar për keqtrajtimet e babait të saj nga dokumentari “Surviving R Kelly”.

Lexo po ashtu Lajmet për R Kelly

Buku ka theksuar se ajo, vëllezërit dhe motrat e saja, si edhe nëna e saj, nuk kontaktojnë me këngëtarin qe shumë vite.

“Përbindëshi me të cilin përballeni të gjithë është babai im. E di shumë mirë se kush dhe çfarë është ai. Jam rritur në atë shtëpi”, ja shkruar Abi në Instagram.

Reagimi i saj ka ardhur pas një deklarate të Lady Gagas, e cila ka thënë se do të dëshironte që dueti i saj me R Kellyn, “Do What You Want”, të fshihej nga të gjitha shërbimet në internet.

Edhe pse ekzistojnë shumë të dhëna lidhur me keqtrajtimet seksuale të këngëtarit, Sky News bën të ditur se ai nuk është paditur për asnjërin nga pohimet dhe deri më tani i ka hedhur poshtë të gjitha akuzat. /Telegrafi/