Ushtarët britanikë në Kenia u detyruan të bëjnë seks ‘të pambrojtur’ me prostitutat, ‘për të dëshmuar se sa të guximshëm janë’

Janë zbuluar detaje të një “ceremonie të tmerrshme” që ka parë një detyrim mbi rekrutët e rinj të ushtrisë britanikë.

Sipas mediave të huaja, përcjell Telegrafi, ushtarët e rinj britanikë të vendosur në Kenia janë detyruar të bëjnë seks me prostituta, me më të moshuarit që dyshohet se kanë hedhur short me një monedhë për të përcaktuar nëse skuadra do të lejohet të mbajë një prezervativ apo jo.

Kjo supozohet të dëshmojë se sa ‘të guximshëm’ janë ata.

Gjetjet, të zbuluara gjatë një hetimi të Mail On Sunday, kanë shqetësuar shefat e mbrojtjes për shkak të niveleve të larta të HIV/Aids në vend dhe shqetësimeve për “rrezikun e reputacionit global”.

Rreth 10,000 trupa britanike dislokohen në Kenia çdo vit për të kryer ushtrime të gjuajtjes së drejtpërdrejtë deri në tetë javë.

Dhe në kthimin e tyre, ushtarët u pyetën për përdorimin e prostitutave, të cilat rrinë jashtë bazës, për një studim i cili është botuar në British Medical Journal Military Health.

Një ushtar anonim i tha Ministrisë së Mbrojtjes: “Kur kjo njësi vendoset në stërvitje, ata kanë një ceremoni për të gjithë ushtarët e rinj që nuk janë vendosur më parë në Kenia”.

Raporti, i shkruar nga Shërbimet Mjekësore të Mbrojtjes, zbulon se megjithëse një udhëzues për shëndetin seksual lëshohet pas mbërritjes në vendin e Afrikës Lindore, numri i ushtarëve që kërkojnë ndihmë për sëmundje të lidhura është rritur krahasuar me trupat me bazë në Mbretërinë e Bashkuar.

Ai zbuloi gjithashtu se një e treta e skuadrave nuk mbanin mend se iu dha ky udhëzues.

Madje raporti thotë se rreziku i marrjes së një sëmundje seksualisht të transmetueshme nga një prostitutë ka potencialin të ‘ulë efektivitetin operacional të njësisë’.

Ish-oficeri i inteligjencës së ushtrisë, Philip Ingram, kritikoi udhëheqjen ushtarake për incidentet, duke thënë: “Shëndeti seksual është pjesë e trajnimit vjetor për të gjithë personelin e shërbimit”.

“Të dëgjosh se ushtarët detyrohen në një formë ceremonie të inicimit seksual… ku nivelet e HIV-it janë shumë të larta, më trondit shumë”.

Raporti paralajmëroi për një përdorim në rritje të prostitutave pranë bazës britanike në Nanyuki, Kenia, me disa shërbime të ofruara edhe në dyqanet e berberëve, siç u zbulua nga një oficer i lartë.

“Kur prerja e flokëve përfundoi, ai u çua drejt një dhome të pasme dhe iu tregua një numër punonjësesh seksi femra”, thuhet në raport. Më pas berberi e pyeti nëse do të donte ndonjë “shërbim shtesë”. /Telegrafi/