Ukraina pothuajse gati për kundërofensivën e shumëpritur, thotë ministri i mbrojtjes

Forcat e Ukrainës po përfundojnë përgatitjet e tyre për një kundërofensivë pranverore të shumëpritur kundër trupave pushtuese ruse, ka thënë ministri i mbrojtjes i vendit.

“Sapo të jetë vullneti i Zotit, moti dhe një vendim nga komandantët, ne do ta nisim atë”, raportohet të ketë thënë Oleksii Reznikov, transmeton Telegrafi.

Megjithatë, ai nuk dha asnjë datë se kur do të fillonte kundër-sulmi, por shtoi se “globalisht, janë gati në një përqindje të lartë”.

Kievi ka përgatitur një kundërofensivë prej disa muajsh që synon zmbrapsë forcat ruse nga lindja dhe jugu.

NATO tha të enjten se aleatët e saj dhe vendet partnere i kishin dorëzuar më shumë se 98 për qind të mjeteve luftarake të premtuara në Ukrainë, duke forcuar aftësitë e Kievit.

Së bashku me më shumë se 1,550 automjete të blinduara, 230 tanke dhe pajisje të tjera, aleatët perëndimorë kanë dërguar “sasi të mëdha municionesh” dhe kanë trajnuar dhe pajisur më shumë se nëntë brigada të reja ukrainase, tha sekretari i përgjithshëm i NATO-s, Jens Stoltenberg. /Telegrafi/