Trump zgjat edhe për një vit sanksionet ndaj Rusisë

Shtëpia e Bardhë ka vendosur të zgjasë sanksionet kundër Rusisë edhe për një vit tjetër.

Ky vendim vazhdon sanksionet e vendosura fillimisht gjatë administratës së presidentit, Barack Obama, të cilat më pas u zgjeruan gjatë mandatit të parë të presidentëve, Donald Trump dhe Joe Biden.

Sipas raportit të korrespondentit të Zërit të Amerikës nga Shtëpia e Bardhë, Misha Komadovsky, administrata e Donald Trumpit u mbështet në urdhrin ekzekutiv 13660 për të konfirmuar zgjatjen e sanksioneve.

Këto sanksione u vendosën si përgjigje ndaj aktiviteteve të Rusisë, të cilat SHBA-ja i konsideroi si kërcënim për sigurinë kombëtare dhe politikën e jashtme.

‼️BREAKING: The White House has extended the national emergency and related sanctions against Russia for another year, citing Executive Order 13660.

This measure continues various anti-Russian sanctions imposed by U.S. presidents in 2014, 2018, and 2022. pic.twitter.com/KBQvmIwsCQ

— Misha Komadovsky (@komadovsky) February 27, 2025

Sanksionet synonin zyrtarë të qeverisë ruse, biznese dhe individë, si dhe përfshinin masa kundër sektorëve ekonomikë të Rusisë, përfshirë energjinë dhe financat.

Komadovsky ndau gjithashtu fotografi të dokumentit që pritet të publikohet zyrtarisht në Regjistrin Federal të SHBA-së të premten, duke e bërë vendimin përfundimtar.

Ky vendim është pjesë e qasjes së vazhdueshme të administratës amerikane për t’iu përgjigjur kërcënimeve ndërkombëtare, veçanërisht atyre që pretendohet se Rusia paraqet për sigurinë globale.

Sanksionet e vendosura fillimisht në vitin 2014 për shkak të aneksimit të Krimesë nga Rusia, si dhe ato të vitit 2018 dhe 2022, tani do të zgjasin edhe për një vit tjetër, duke i mbajtur në fuqi deri vitin e ardhshëm. /Telegrafi/