Totti: Roma do t’i qëndroj në ‘bisht’ Juves

Francesco Totti ka paralajmëruar se Roma do të përpiqet për të qëndruar pranë Juventusit, edhe nëse ajo nuk do të jetë e lehtë në garën e Series A.

Giallorossët mundën San Lorenzo 2-1 në një miqësore në këtë mbrëmje në Stadio Olimpico, ku të ardhurat do të jenë për viktimat e tërmetit në Italinë qendrore, teksa ikona e skuadrës, Francesco Totti, e ka gjetur kohën të flasë rreth ndeshjes.

“Kjo është një ditë e veçantë dhe jo vetëm Roma, por të gjitha klubet në botë duhet të bëjnë këto projekte. Unë mendoj se të gjithë do të duhet ndihmuar këta njerëz”, ka thënë Totti për Sky Sport Italia, transmeton Telegrafi.

Lexo po ashtu ‘Roma dhe Napoli janë më të dobët se sezonin e kaluar’

Totti është pyetur edhe në lidhje me garën për ‘Scudetto’ pas një barazim 2-2 me Cagliarin në minutat e fundit të ndeshjes.

“Ju mund të thoni shumë gjëra pas aktiviteteve të transferimeve, por ajo që ka rëndësi është ajo që ndodh në fushë. Ne do të përpiqemi për të qëndruar pranë Juventusit, edhe nëse ajo nuk do të jetë e lehtë”, përfundoi kapiteni i Romës. /Telegrafi/