Titulli i Ligës Premier: Milimetrat që e bënë dallimin ndërmjet Manchester Cityt dhe Liverpoolit

Thuajse asnjëherë më parë dy klube të Ligës Premier në garën për titull nuk kanë arritur aq shumë pikë dhe nuk kanë pësuar aq pak humbje.

Gara për titull ka shkuar deri në ditën e fundit shtatë herë në epokën e versionit të quajtur Liga Premier, por kurrë nuk ka qenë aq ngushtë sa në këtë edicion ndërmjet Manchester Cityt dhe Liverpoolit.

‘Citizens’ iu gëzuan titullit të dytë radhazi dhe të gjashtit në histori të klubit, derisa Redsat mbetën pa titull edhe pas 29 vitesh. Porse a mund të besoni se pos dallimit të ngushtë, në vetëm një pikë, triumfi ka qenë edhe çështje milimetrash.

Lexo po ashtu Man City fiton garën e zjarrtë me Liverpoolin dhe shpallet kampion në Ligën Premier

Liverpooli udhëtoi në Etihad Stadium më 3 janar me shtatë pikë diferencë në krye të tabelës. Skuadra e Jurgen Klopp ishte e pamposhtur dhe e dinte se me fitore do ta linte kampionin në fuqi 10 pikë prapa dhe jashtë garës për titull.

It really was this close in the end…. 🤯
The moment at the Etihad when John Stones cleared Sadio Mane's effort off the line! pic.twitter.com/5UFaY1Yckq

— TEAMtalk (@TEAMtalk) May 12, 2019

Pas 18 minutash, kur rezultati ishte 0-0, Sadio Mane e goditi shtyllën, ndërsa John Stones e largoi topin që për pak sa nuk e kaloi vijën finale. Ishte një moment që futbollisti i Cityt do ta përshkruante si diçka të veçantë.

Por sa afër ishte? Teknologjia e vijës së golit tregoi se topi nuk e kaloi vijën për vetëm 11.7 milimetra apo sa gjerësia e një tablete për kokëdhembje… Po të kalonin Redsat në epërsi, gjërat ndoshta do të ishin ndryshe.

Dhe në vazhdim të lojës, me golat e Sergio Aguero dhe Leroy Sane, City e fitoi ndeshjen (2-1) duke ia shkaktuar humbjen e vetme Liverpoolit në këtë sezon të Ligës Premier që ndoshta i kushtoi edhe me titull, nëse marrim në konsideratë dallimin vetëm në një pikë.

Disa muaj më pas, në vazhdim të sezonit (në muajin prill), ekipi i Pep Guardiolas ishte falënderues për një tjetër punë të mprehtë të kamerave të teknologjisë së vijës së golit. Derisa Redsat ishin në krye të tabelës, Burnley e frustroi Cityn duke e mbajtur me rezultat të barabartë, deri në momentin kur Sergio Aguero realizoi në minutën e 63-të.

Mbrojtësi i Matthew Lowton e bllokoi topin dhe e largoi, mirëpo kësaj radhe topi e kishte kaluar vijën me 29.51 milimetra. Në këtë mënyrë, Manchester City e fitoi ndeshjen dhe arkëtoi tri pikë të reja që padyshim se i kanë shërbyer shumë në arritjen historike. /Telegrafi/