Tifozët brazilianë të Coritibas dhe Corinthiansit përleshen në rrugë, ka të lënduar në gjendje të rëndë (Foto/Video)

Takimi ndërmjet Coritibas dhe Corinthiansi, i vlefshëm për javën e tetë kampionatit brazilian, Brasiliero, ka degjeneruar në përplasje të dhunshme mes tifozerive.

Sipas raportimeve gjashtë është numri i të lënduarve, të cilët ndodhen në gjendje të rëndë shëndetësore dhe dhjetëra të tjerë që kanë marrë plagë të lehta.

Të lënduarit janë transportuar më urgjencë për në spital, ku po marrin ndihmën e parë mjekësore.

Gjithçka ka ndodhur në ambientet e jashtme të stadiumit, ku do të luhej takimi, transmeton SS.

Tre autobusët, të cilët transportonin tifozerinë mike, kanë ngatërruar rrugën dhe kanë përfunduar në zonën ku ndodheshin ultrasit e Coritibas, të cilët menjëherë sapo kanë pikasur autobusin nuk kanë nguruar t’i vërsulen, duke i goditur me grushte dhe gjësende të forta.

Në ato momente, forcat e sigurisë nuk kanë qenë të pranishme dhe si pasojë përplasja ishte shumë e dhunshme.

Më pas autoritet lokale kanë ndërhyrë dhe kanë qetësuar gjendjen duke e shpërndarë turmën.

https://youtu.be/je9yhHUE-BY

Briga entre torcida Corinthiana e a torcida do Coritiba antes do início da partida no Couto pic.twitter.com/lqFLZvZ3PC

— SCCP News (@_sccpnews) June 18, 2017