Temperaturat e ulëta në Çikago, një njeri strehon 80 të pastrehë në një hotel (Video)

Në të ftohtin polar në Çikago, ku temperaturat kanë rënë në minus 40 gradë Celsius, 80 njerëz mbetën pa strehë pas shpërthimit të një bombole gazi, të cilën ata ishin duke e përdorur për t’u ngrohur, në një “qytet tendash”.

Një “qytet tendash” është një ndërtesë e përkohshme e banimit e bërë duke përdorur tenda ose struktura të tjera të përkohshme. Qytetet joformale të çadrave mund të ngrihen pa autorizim nga njerëz të pastrehë.

Dhe kjo situatë, shkruajnë mediat e huaja, përcjell Telegrafi, gjithsesi ka alarmuar autoritetet, të cilat janë detyruar të kërkojnë një strehim për ta.

Por të mërkurën, në ditën e dytë më të ftohtë në historinë e Çikagos, një njeri i mirë shkoi përtej dhurimit të rrobave apo batanijeve.

Ai, sipas mediave, duke mos dashur të identifikohet, ka ofruar një strehim për këta njerëz të pastrehë – madje në një hotel.

Autoritetet nuk kanë dhënë emrin e personit apo emrin e hotelit, por kanë thënë se besojnë se ai ishte i vendosur në Anën Jugore të Çikagos. /Telegrafi/