Takohen mes vete Bebe Rexha dhe Dua Lipa, artistet shqiptare që bëjnë krenarë shqiptarët

Tashmë jemi dëshmitarë të shumë prej këngëtareve shqiptare me famë botërore, të cilat bëjnë krenarë shqiptarët kudo që janë.

Të tilla janë Rita Ora, Bebe Rexha, Dua Lipa e Era Istrefi.

Secila nga të lartpërmendurat janë të veçanta në stilin e tyre, e ndërsa ruajnë edhe një miqësi shumë të mirë mes tyre.

Lexo po ashtu Në mes të Çikagos, Bebe Rexha e ‘ndez’ atmosferën me këngë shqipe

Me përjashtim të Duas dhe Ritës, të cilat nuk është se kanë ndonjë raport mes vete, krejt e kundërta ndodh me artisten tjetër të famshme, Bebe Rexhën.

Ajo është një mikeshë e të dyja vajzave kosovare.

Së fundmi, Bebe Rexha ka pasur rastin të takojë Dua Lipën në festivalin “Lollapalooza” në Çikago.

Ajo ka publikuar një fotografi në llogarinë zyrtare në Instagram, ku shfaqet përkrah çikës kosovare, ndërsa shihet mjaft e lumtur që është takuar me të.

https://www.instagram.com/p/BmBs7ldHp64

Përndryshe, ato kanë marrë shumë komente nga fansat e tyre, e veçanërisht nga shqiptarët, të cilët ndjehen shumë të lumtur për takimin mes vete të dy krenarive shqiptare.

Kjo fotografi madje është pëlqyer edhe nga Rita Ora, ndërsa edhe Dua vet i ka bashkëngjitur një koment duke i shkruar këngëtares shqiptare “Sa kënaqësi të të shihja sërish engjëll”.

Bebe Rexha është takuar shumë herë edhe me Rita Orën, me të cilën së fundmi solli edhe një bashkëpunim, së bashku edhe me Cardi B dhe Charli XCX të titulluar “Girls”.

Rexha dhe Ora gjithashtu kishin ndarë edhe një çmim në festivalin “iHeartRadio Music Awards”. /Telegrafi/