Bleta “Bebe” Rexha (e lindur më 30 gusht të vitit 1989 në Brooklyn të New Yorkut) është një këngëtare shqiptare me famë botërore.

Ajo është lindur dhe rritur në Shtetet e Bashkuara të Amerikës me tradita dhe kulturë shqiptarë nga prindërit e saj emigrantë, të cilët kanë prejardhje nga Maqedonia e Veriut. Babai i saj, Flamuri, është nga Dibra, ndërkohë që nëna e saj, Bukurija, është nga Gostivari. Bebe Rexha ka edhe një vëlla më të vogël të quajtur Florent.

Bebe Rexha e ka nisur karrierën muzikore shumë e re, por mori emër tek në vitin 2014 kur kompozoi hitin “The Monster” të interpretuar nga Rihanna dhe Eminem. Më pas ajo vazhdoi me publikimin e disa këngëve të saja, të cilat u bënë hite ndërkombëtare, ku ndër to veçohen: “Me, Myself And I” (bashkëpunim me G-Eazy), “In The Name Of Love” (bashkëpunim me Martin Garrix), “Meant To Be” (bashkëpunim me Florida Georgia Line), “I’m A Mess”, “I’m Good (Blue)” (bashkëpunim me David Guettan) etj.

Është fituese e çmimeve të rëndësishme të muzikës si: MTV Video Music Awards, iHeart Radio Music Awards, Billboard Music Awards, MTV EMA e të tjera.

Në vitin 2019, Bebe Rexha nominohet në mbrëmjen më të rëndësishme të ndarjes së çmimeve ‘Grammy Awards’ për dy kategori dhe në vitin 2023 gjithashtu nominohet për çmimin e tretë në këtë event të rëndësishëm.

“Unë dua të sjell ndërgjegjësimin për kulturën time dhe vendin nga vjen familja ime. Dhe kjo ishte vërtet e rëndësishme për mua”, ka thënë Bebe Rexha në një intervistë ekskluzive për Telegrafin në vitin 2021.