Bleta “Bebe” Rexha është e lindur më 30 gusht të vitit 1989. Ajo është një këngëtare shqiptare me origjinë nga Dibra e Maqedonisë. Familja e saj emigroi në vitit 1980 në Shtetet e Bashkuara të Amerikës. Prindërit e nënës së saj janë nga Gostivari. Dëshira e saj është që të ruajë kulturën shqiptare, prandaj vazhdon që të jetë shumë e lidhur me familjen dhe rrënjët e saj.
Pas suksesit me këngën “No Broken Hearts” u nominua për “Billboard Music Awards 2016” në kategorinë për këngën më të mirë ‘Dance-Electronic’, me këngën “Hey Mamma”, bashkëpunim me David Guettan dhe Nicki Minajn. Këngëtarët e saj të preferuar janë Madonna, Michael Jackson; Lauryn Hill, grupi The Cranberries, The Fugees. I pëlqen muzika rap, muzika klasike etj. Aktualisht po punon me shtëpinë e saj diskografike, Warner Brother Records, me të cilën kanë punuar artistë si Madonna dhe Prince.
Suksesi më i madh i saj shënohet si autore e këngës “The Monster”, e cila interpretohet nga këngëtarët e famshëm Rihanna dhe Eminem.
Në vitin 2019, Bebe Rexha arrin të nominohet për dy çmime në mbrëmjen më të madhe të ndarjes së çmimeve të muzikës, “Grammy Awards”.
