Super dështimi kinez mban emrin e Carlos Tevez – Dy kilogram më shumë dhe 26 mijë euro gjobë nga Shanghai Shenhua

Shanghai Shenhua para një viti vendosi që ta blinte Carlos Tevezin dhe ta bënte futbollistin më të paguar në planet.

Klubi kinez shpresonte që popullaritet dhe golat e tij do t’i sillnin klub shumë të ardhura dhe sponsor, por kjo nuk ndodhi.

Paga e tij mbetet 650 mijë funte në javë, por Tevez nuk e ka justifikuar aspak këtë.

Ish-sulmuesi i Juventusit dhe Manchester United, ka pasur një sezon të tmerrshëm me 4 gola në 16 ndeshje.

Aq keq luante, sa që klubi e la jashtë finales së Kupës, duke ftuar për këtë ndeshje lojtarë anonimë.  Klubi është gati ta shes, por kjo do të vendoset pikërisht nga Carlos.

Madje ai do të përballet edhe me një dënim, kur të kthehet nga pushimi, nëse ka shtuar peshë.

E gjithë kjo pasi klubi ka vendosur një rregullore që lojtarët të mos shtojnë peshë, e kjo vlen posaqërisht për Carlos Tevezin, Fredy Guarinin, Obafemi Martinsin, Demba Ban.

Tevez njihet për mos mbajtje të dietave, madje edhe gjatë kampionatit ai kishte shtuar peshë të dukshme.

Për çdo kile ai duhet të paguajë 13 mijë euros dënim.

Por kjo nuk do t’ia lë shenjë pasi ai do ta barazonte këtë dënim për tri orë punë. /Telegrafi/