Sulmuesi nga Denveri që vrau gjashtë persona kishte njohur viktimat, për cak kishte individë të caktuar

Një burrë i armatosur i cili në disa lokacione të ndryshme nëpër Denver vrau gjashtë persona dhe plagosi dy tjerë, kishte për cak viktimat e tij duke u bazuar në marrëdhëniet personale dhe ato punës, kanë bërë të ditur autoritetet e sigurisë.

Sulmuesi Lyndon James McLeod, 47-vjeç u vra të hënën pasi plagosi një polic në Lakewood, pranë një qendre tregtare në periferi të Denverit.

Polici kishte arritur t’i kundërpërgjigjet duke e vrarë, bëri të ditur zëdhënësi i policisë John Romero, transmeton Telegrafi.

Është bërë e ditur se sulmuesi kishte njohur shumicën e viktimave të tij, por jo edhe personin e fundit që e qëlloi, 28-vjeçaren Sara Stake, punonjësen e një hoteli në Lakewood e cila ndërroi jetë si pasojë e plagëve të marra.

Lyndon James McLeod, the suspect accused of killing 5 people in a shooting rampage in Denver and Lakewood, Colorado, was an author under the name Roman McClay. He was investigated by police in 2020 and 2021 and targeted victims and locations, police say: https://t.co/BHKSEhyej1 pic.twitter.com/5GQYSX7p5m

— Heavy Sports (@HeavyOnSports) December 28, 2021

McLeod dikur kishte pasur një kompani në Denver në adresën ku sipas evidencës së zyrës së sekretarit të Kolorados, tani është sallon tatuazhesh.

Të shtënat e para kishin ndodhur në sallonin e tatuazheve, që gjendet rreth një kilometër larg lokacionit ku e pësoi me jetë.

Sulmuesi fillimisht kishte hapur zjarr në sallonin e tatuazheve duke vrarë dy gra dhe plagosur një burrë – më pas shkoi në shtëpi ku qëlloi një burrë tjetër.

Ishte rikthyer në Lakewood ku kishte vrarë një burrë tjetër – më pas u fut në hotel dhe shtiu me armë mbi gruan që punonte në recepsion. /Telegrafi/