Suedia tregon se çfarë fshihet pas dëmtimit të Nord Stream: Kemi gjetur gjurmë eksplozivi

Hetuesit kanë gjetur gjurmë eksplozivi në vendin e tubacioneve të dëmtuara Nord Stream, duke konfirmuar se kishte ndodhur sabotim, tha një prokuror suedez të premten.

Sipas raportimeve, bëhet fjalë për një devijim serioz dhe në disa sende u gjetën lëndë plasëse.

“Gjatë hetimeve në vendngjarje në Detin Baltik u bë një hetim i gjerë dhe zona analizua me kujdes. Analizat që janë kryer tani tregojnë gjurmë të eksplozivit në disa objekte të gjetura. Analiza e avancuar mund të sjellë përfundime më të besueshme për incidentin”, thuhet në deklaratë.

Në fillim të muajit, hetimi i Nord Stream AG dha rezultate të ngjashme. Sipas rezultateve paraprake të inspektimit, në fund të detit janë gjetur kratere artificial, tre deri në pesë metra të thellë, në një distancë prej rreth 248 metrash nga njëri-tjetri, raporton cnn.

“Pjesa e tubit ndërmjet kratereve është shkatërruar plotësisht, rrezja e shpërndarjes së fragmenteve të tubit është të paktën 250 metra”, thuhet në deklaratë.

Kujtojmë se më 26 shtator, shpërthime ndodhën njëkohësisht në dy gazsjellës rus për eksportin e gazit në Evropë – Nord Stream dhe Nord Stream 2.

Operatori i Nord Stream njoftoi se gjendja e jashtëzakonshme në tubacionet e gazit është e paprecedentë dhe se është e pamundur të vlerësohet koha e riparimit. Prokuroria e Përgjithshme e Rusisë nisi procedimin për një akt terrorizmi ndërkombëtar pas dëmtimit të Nord Stream.

Rusia ka akuzuar Britaninë për koordinimin e sulmit në tubacionet e gazit Nord Stream. Përveç kësaj, ata deklarojnë se ish-kryeministrja britanike, Liz Truss i dërgoi një mesazh Sekretarit Amerikan të Shtetit, Antony Blinken duke thënë se “ka mbaruar” pas shpërthimit. /Telegrafi/