Spektakël bavarez në Emirates, Arsenali eliminohet në mënyrë të turpshme me 10 gola të pranuara (Video)

Bayerni i ka mbajtur leksion futbollit skuadrës së Arsenalit, duke e mundur me rezultat të përgjithshëm 10-2.

Ndeshja e parë ishte mbyllur me rezultat 5-1, ndërsa topçinjtë nuk shpëtuan më lehtë as në ndeshjen e dytë ku pësuan me të njëjtin rezultat.

Ndeshja nisi më mirë për Arsenalin që shënuan me Theo Walcott që në minutën e 20-të.

Walcott kishte edhe një rast të mirë, por që u pasua nga një kundërpërgjigje e Lewandowski.

Por kjo ishte gjithçka çfarë treguan anglezët në këtë ndeshje, pasi pjesa e mbetur i takoi gjermanëve.

Laurent Koscielny shkaktoi penallti, pas një debati me gjyqtari u ndëshkua me kartonë të kuq.

Nga pika e bardhë ishte i saktë Lewandowski që shënoi për 1-1.

Nuk vonoi shumë dhe Arjen Robben shënoi edhe golin e dytë në minutën e 64-të.

I inkuadruari në pjesën e dytë, Douglas Costa, ngriti shifrat në 3-1 me një gol të bukur në minutën e 78-të.

Pjesa e mbetur e ndeshjes ishte e rezervuar për Arthuro Vidal që shënoi dy herë.

Ai shënoi në minutat 80-të dhe 85-të.

Bayerni kalon në çerekfinale me dhjetë gola të shënuar, duke u kthyer në një prej pretendentëve kryesor për trofeun më të çmueshëm në Evropë. /Telegrafi/

https://www.youtube.com/watch?v=ssPcZhvCeiI

https://www.youtube.com/watch?v=jU-KSbvVhTs

https://www.youtube.com/watch?v=JvUJ76cvKzs

https://www.youtube.com/watch?v=TImEXRsckdc

https://www.youtube.com/watch?v=Bn_Us5FS5b8

https://www.youtube.com/watch?v=SPT2w8BSmLs