Sot u bë 1 vit që kur Rusia filloi pushtimin e Ukrainës, Zelensky thotë se 2023-ta do të jetë vit i fitores për ukrainasit

Presidenti i Ukrainës, Volodymyr Zelensky është zotuar të synojë fitore në vitin 2023, derisa sot u bë 1 vit që kur Rusia nisi pushtimin e saj në Ukrainë.

Derisa zbardhi agimi në një ditë përkujtimore dhe sfidash, Zelensky shkroi në Twitter se ukrainasit e kishin dëshmuar veten se ishin “të pathyeshëm” në atë që ai e quajti “një vit dhimbjeje, pikëllimi, besimi dhe uniteti”, transmeton Telegrafi.

“Ne e dimë se viti 2023 do të jetë viti ynë i fitores”, thuhej në postimin e tij.

On February 24, millions of us made a choice. Not a white flag, but the blue and yellow one. Not fleeing, but facing. Resisting & fighting.
It was a year of pain, sorrow, faith, and unity. And this year, we remained invincible. We know that 2023 will be the year of our victory! pic.twitter.com/oInWvssjOI

— Володимир Зеленський (@ZelenskyyUa) February 24, 2023

Në një video të veçantë, të publikuar në media dhe të titulluar “viti i pathyeshmërisë”, 45-vjeçari u ul në një tavolinë dhe kujtoi se si iu drejtua ukrainasve një vit më parë.

“Një vit më parë në këtë ditë, nga i njëjti vend rreth orës shtatë të mëngjesit, ju drejtova me një deklaratë të shkurtër, që zgjati vetëm 67 sekonda”, tha ai në një fjalim 15-minutësh.

“Ne jemi gati për çdo gjë, do t’i mposhtim të gjithë.

“Kështu filloi më 24 shkurt 2022. Dita më e gjatë e jetës sonë. Dita më e vështirë në historinë tonë të re”.

“Ne u zgjuam herët dhe nuk kemi fjetur që atëherë”.

Është bërë 1 vit që kur Rusia nisi pushtimin e saj në shkallë të plotë të Ukrainës – lufta më e madhe në tokën evropiane që nga Lufta e Dytë Botërore.

Jetët e Ukrainës kanë ndryshuar përgjithmonë, raporton BBC. Familjet janë shkatërruar, dhjetëra mijëra njerëz janë vrarë dhe ushtarët rusë kanë kryer mizori që kanë tronditur botën. /Telegrafi/