Sondazhet tregojnë se Bideni do të humbiste ndaj republikanëve, por do ta mposhte Trumpin në vitin 2024

Presidenti amerikan, Joe Biden do të mposhtej prej çdo kandidati republikan nëse do të mbaheshin sot zgjedhjet presidenciale – por jo edhe nga ish-presidenti Donald Trump, ish-zëvendëspresidenti, Mike Pence dhe senatori, Ted Cruz, sipas një sondazhi të së mërkurës.

Sondazhi i Politico/Morning Consult zbuloi se demokrati është pas çdo pretenduesi hipotetik të republikanëve me nëntë për qind (46 për qind me 37 për qind), por fiton kundër Trumpit (45 për qind ndaj 44 për qind) dhe Pence (44 për qind me 42 për qind).

Sondazhi zbuloi gjithashtu se presidenti aktual do të mundte lehtësisht Cruzin (45 për qind me 39 për qind) dhe guvernatorin e Floridës, Ron DeSantis (44 për qind me 39 për qind), raporton nypost.

Sondazhi tregoi gjithashtu se presidenti i 45-të do të kalonte në nominimin e GOP nëse do të vendoste të hynte në garën e vitit 2024.

Kur u pyetën se kë do të mbështesnin në një zgjedhje paraprake hipotetike republikane, 49 për qind e votuesve zgjodhën Trumpin, me DeSantis të dytin me 14 për qind dhe Pence me 13 për qind mbështetje.

Asnjë kandidat tjetër i mundshëm i emëruar në sondazh nuk mori mbi 5 për qind, ndërsa senatori Mitt Romney (R-Utah) – kandidati presidencial i GOP-it 2012 – mori 4 për qind të mbështetjes.

Sondazhi anketoi 2,005 votues të regjistruar midis 22 dhe 23 janarit dhe ka një diferencë gabimi prej plus ose minus dy për qind. /Telegrafi/