Skrinar beson te fitorja: Do t’i shënojmë gol Napolit, jemi Interi

Mbrojtësi i Interit, Milan Skriniar, beson se zikaltrit do të shënojnë së paku një gol ndaj Napolit në San Paolo sonte (e shtunë).

Mbrojtësi duket i motivuar para takimit dhe nuk shfaq shenja frike edhe pse në kokë ka faktin se skuadra e tij ka 20 vite që nuk ka fituar si mysafirë i napolitanëve në kampionatin elitar italian.

“Derbi pas derbit. Napoli janë një skuadër e madhe, por ne jemi Inter dhe objektivi jonë është gjithmonë fitorja”, ka thënë Skriniar për Mediaset Premium.

“Presim një fillim të vështirë, por gjithçka do të vendoset në fushë. Duhet të jemi agresiv, kompakt dhe të luajmë me topin”.

“Të dy skuadrat janë të forta në sulm dhe jam i bindur 100 per qind që do t’i shënojmë gol”.

Sllovaku në këtë takim do të luajë kundër bashkëvendësit Marek Hamsik, por a kanë ndarë emocione dhe komente gjatë javës dyshja?

“Kam folur me Hamsikun, por ne do të takojmë njëri-tjetrin në fushë”, ka shtuar mbrojtësi shtatlartë.

Aktualisht Napoli renditet i pari në Serie A me 24 pikë, dy pikë më shumë se Interi në pozitën e dytë. /Telegrafi/