Si të stërviteni në një biçikletë dhome për të humbur peshë?

Qarkullimi i gjakut do të përmirësohet duke reduktuar ndjenjën e rëndimit në këmbë

Një biçikletë stërvitore e dhomës është një mjet i shkëlqyer për stërvitjen kardiovaskulare dhe djegien e kalorive.

Nëse vendosni një plan diete të saktë, mund të arrini rezultatin e dëshiruar, pra humbje peshe.

Këshillohet të filloni duke vendosur se kur do t’i përkushtoheni stërvitjes, një moment në të cilin asgjë nuk do t’ju shqetësojë në shtëpi.

Sigurohuni që të vishni atlete, të rregulloni lartësinë e ulëses dhe nëse dëshironi, lëshoni muzikën ose televizorin, transmeton Telegrafi.

Filloni dy javët e para me pedalime të lehta për 30 minuta ushtrime 3 herë në javë.

Kjo është faza ku qarkullimi i gjakut mund të përmirësohet duke reduktuar ndjenjën e rëndimit në këmbë dhe frymëmarrja mund të përmirësohet pasi kapaciteti i mushkërive do të rritet.

Kur muskujt dhe i gjithë trupi fillojnë të “ngarkohen me karburant”, atëherë mund të kaloni në fazën tjetër, atë në të cilën do të filloni të digjni kalori, pra në fazën më intensive.

Ushtroni në biçikletë për të djegur dhjamin

Mundësisht merrni një pajisje të rrahjeve të zemrës në mënyrë që të mund të monitoroni gjithmonë rrahjet tuaja të zemrës. Kur rrahjet shkojnë mbi një prag të caktuar, në fakt do të filloni të digjni yndyrë.

Pas ngrohjes me 5 minuta pedalim të butë, mund të filloni të rrisni aktivitetin, duke alternuar 5 minuta pedalime normale me 2 minuta pedalime të forta, derisa të arrini 60% të rrahjeve maksimale të zemrës.

Mundohuni ta ruani këtë mesatare për dy minuta, pastaj kthehuni në 5 minuta pedalim normal.

Lexo po ashtu Harrojeni palestrën! Pesë ushtrime të thjeshta në shtëpi që shkrijnë dhjamin e barkut

Bëni këtë ushtrim për 40/50 minuta, gjithmonë tre herë në javë.

Ndërsa ndiheni më në formë, mund të rrisni intensitetin, duke reduktuar pedalimin tuaj normal me një minutë, ndërsa minutat e pedalimit të vazhdueshëm do të mbeten gjithmonë dy, e kështu me radhë derisa të arrini një raport 2:2.

Para se të filloni aktivitetin e rregullt fizik, është mirë t’i nënshtroheni një ekzaminimi të plotë mjekësor dhe sportiv për të shmangur rreziqet e mundshme për shëndetin. /Telegrafi/