I shtrirë në tokë dhe i mbuluar nga gjaku përpiqet të telefonojë, veprimi i çuditshëm i Lorenc Kostës gjatë plagosjes nga polici

Lorenc Kosta është përpjekur të kërkojë ndihmë në momentin që efektivi Erjon Goxhara e ka qëlluar 6 herë me plumba në pjesën e poshtme të trupit.

Në videon e publikuar, pamje të cilat janë filmuar nga vetë efektivi, 45-vjeçari duket i shtrirë në tokë ndërsa herë pas here prekte telefonin që të kërkonte ndihmë.

Në video dëgjohet se efektivi akuzon Lorenc Kostën se ai i ka mbajtur gruan 4 vite peng.

“Ti të më mbash nusen peng 4 vite dhe t’i hash lekët?! Kështu e pësojnë të gjithë ata që u hyjnë njerëzve në hak, që u hynë në familje”, thotë ai.

Erjon Goxhara, polici i cili plagosi me armë 45-vjeçarin Lorenc Kosta, u la në burg nga Gjykata e Tiranës disa ditë më parë.

Ky i fundit shprehu pendesë për veprimin që kreu në dëm të shtetasi Lorenc Kosta.

Avokatët kërkuan masë më të butë sigurie se arresti në burg me argumentin e tronditjes së rëndë psiqike.

Deri në këto momente, Goxhara po hetohet për vrasje me paramendim e mbetur në tentativë dhe armëmbajtje pa leje. Për këtë të dytën deri në momentin që do të provohet nëse arma e përdorur është e shërbimit ose jo. Gjykata pranoi kërkesën e avokatëve për ekspertizë të gjendjes psiqike.

Kujtojmë se disa ditë pas plagosjes me armë zjarri, ai u vetë-dorëzua në polici ku deklaroi ndër të tjera se nuk kishte si qëllim për ta vrarë.

Ngjarja ndodhi pasi mësoi tradhtinë e bashkëshortes së tij me Kostën, të cilët punonin në të njëjtin ambient pune./Top Channel/