Para fillimit të bisedimeve të fundit me Beogradin, delegacioni shqiptar është shprehur në Baden të Austrisë se, edhe në këto takime të ngjeshura treditore, do të kërkohet vetëm pavarësi. Ekipi i Unitetit bëri të qartë se Kosova është e gatshme të përballet më gjithë sfidat e një shteti të pavarur, përfshi dhe kërcënimin serb.
Presidenti i Kosovës Fatmir Sejdiu teksa ka mbërritur në qytetin piktoresk Baden pak kilometra larg Vjenës është shprehur: ”Dua të them se, ne kemi ardhur këtu të shprehim edhe njëherë vizionin tonë për të ardhmen e Kosovës. Qëllimi ynë është pavarësia e Kosovës dhe ne jemi të përgatitur për të pasur një shtet modern dhe të pavarur për gjithë qytetarët e Kosovës dhe mbrojtje të mirë të minoriteteve në Kosovë. Ky ka qenë qëllimi ynë gjatë gjithë punës tonë dhe kjo është garancia që ne ofrojmë”.
Ndërsa kryeministri Agim Çeku ka reaguar pas deklaratës së bërë dy ditë më parë të kryeministrit Vojislav Koshtunica për masat e veprimit që do të ndërmarrë Serbia në rast të pavarësisë së njëanshme.
“Ajo që liderët serbë po përgatisin nuk ka të bëjë aspak me atë që ne synojmë të arrijmë më këto bisedime. Por ne jemi shumë të përgjegjshëm që me shpalljen e pavarësisë si hap i domosdoshëm, ne do të përballemi me mjaft sfida. Por ky proces nuk është vetëm për Kosovën, ky është një proces ndërkombëtar, gjithë komuniteti ndërkombëtar mbështet pavarësinë si zgjidhjen e vetme të pranueshme dhe ata do ta njohin Kosovën. Çfarëdo që ndodh në Kosovë apo përreth Kosovës, do të ndodhë në një vend të njohur ndërkombëtarisht. Ne do qëndrojmë në Kosovë, nuk do të shkojmë asgjëkund dhe jemi gati të përballemi me gjithë sfidat”.
Bisedimet treditëshe në Baden të Austrisë, do të nisin në orën 15:00, duke shënuar fazën përmbyllëse të negociatave shtesë prej 120 ditësh mes Prishtinës dhe Beogradit, të ndërmjetësuara nga Treshja ndërkombëtare e Grupit të Kontaktit – Ischinger, Wisner dhe Kharchenko.
Të dyja delegacionet përfaqësohen në nivelin më të lartë: i Prishtinës nga presidenti Fatmir Sejdiu dhe kryeministri Agim Çeku dhe ai i Beogradit nga kreu i shtetit serb Boris Tadiq dhe kryeministri Vojisllav Koshtunica.
Sipas agjendës së paraparë, fillimisht do të mbahet një takim i përbashkët të ndërmjetësuesve me të dyja delegacionet, kurse pastaj do të mbahen takime të ndara me delegacionin e Beogradit dhe atë të Prishtinës.
Treshja u ka bërë thirrje palëve që të përmbahen nga deklaratat për media deri në fund të këtij raundi bisedimesh, të mërkurën më 28 nëntor. Në fund të negociatave Treshja të dyja delegacioneve do t’ua prezantojë bazën e raportit, i cili fillimisht do t’i dorëzohet Grupit të Kontaktit, e pastaj edhe Sekretarit të Përgjithshëm të KB-së. /news24/qik/
Promo
Reklamo këtuLufta Prigozhin - Putin
Më shumëTë shtëna me armë zjarri në Prishtinë, dyshohet për një të vrarë - pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh
Brenda dy javëve, mjekët duhet të vendosin nëse do punojnë në spitalet publike apo private
Trupat italiane të KFOR-it dislokohen në Kosovë, të gatshëm të reagojnë ndaj çdo zhvillimi të situatës së sigurisë
SHBA-të çmojnë Osmanin për bashkëpunim, nga politologët vlerësohet si mesazh për Qeverinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh