Scarlett Johansson zbuloi sekretin e një martese të suksesshme: Pas dy divorceve, ajo kuptoi një gjë vendimtare

Ajo ka kohë që është në një lidhje të lumtur me bashkëshortin e saj të tretë dhe një gjë ishte shumë e rëndësishme për të

Një nga femrat më të bukura në botë, Scarlett Johansson, ka zbuluar sekretin e saj për një martesë të gjatë dhe të lumtur. Aktorja e njohur ka dy divorce pas saj.

Ajo ishte me kolegun e saj të mirënjohur Ryan Reynolds nga viti 2008 deri në 2011 dhe pas tre vitesh “pauze martese” u martua sërish me gazetarin francez Romain Dauriac në vitin 2014.

Dhe pas tre vjetësh me të, ashtu si me Reynolds, ajo kuptoi që nuk ishte kjo, pas së cilës pasoi një divorc tjetër.

Por pas kësaj ajo u takua me aktorin Colin Jost, me të cilin u lidh në vitin 2017 dhe tre vite më vonë çifti i lumtur tha po-në fatale, transmeton Telegrafi.

Scarlett këto ditë ka qenë e ftuar në podcast-in e aktores së njohur Gwyneth Paltrow, ku ka treguar se çfarë ka mësuar për veten dhe martesën e saj gjatë gjithë këtyre viteve.

– Për një kohë të gjatë nuk e dija se çfarë doja apo çfarë kisha nevojë nga dikush. Nuk mund ta kuptoja. Por në një moment kuptova se është shumë e rëndësishme për mua të jem me një person të dhembshur. Kjo është një karakteristikë bazë që duhet të ekzistojë te partneri im. Dhe unë mendoj se të kuptuarit e gjërave themelore që ju nevojiten nga një partner është e nevojshme për jetëgjatësinë e marrëdhënies suaj. Tek unë, identifikimi i atyre gjërave ndryshoi patjetër lojën – tha Scarlet.

View this post on Instagram

A post shared by Scarlett Johansson (@scarlettjohanssonworld)

Aktorja bukuroshe ka një vajzë tetëvjeçare Rose me ish-bashkëshortin e saj Romain Dauriac, si dhe një djalë Cosmo i cili është pak më shumë se një vit e gjysmë me bashkëshortin e saj aktual Jost.

– Më në fund arrita të filloja ta respektoja veten mjaftueshëm për të ditur se cilat janë gjërat themelore që më duhen dhe të isha në rregull me këtë. Ky ishte mësimi im i jetës – thotë Johanson.

Ajo thotë se tani është shumë e lumtur me partnerin e saj dhe se parakusht për këtë mirëqenie ishte të kuptonte se çfarë i duhej nga një lidhje. Ajo i njohu të gjitha këto gjëra në Jost dhe tani sheh një të ardhme të largët me të. /Telegrafi/