Moska dhe Kievi kanë nënshkruar një marrëveshje historike, e cila garanton dërgesat e gazit rus në Ukrainë gjatë këtij dimri, pavarësisht marrëdhënieve të tensionuara në lidhje me luftimet në lindje të Ukrainës.
Marrëveshja, e cila është ndërmjetësuar nga Bashkimi Evropian dhe vlen deri në mars të vitit 2015, është nënshkruar në Bruksel nga ministrat e Energjisë të të dyja vendeve, Aleksandr Novak dhe Yuri Prodan, si dhe nga komisionari për Energji i BE-së, Guenther Oettinger.
Marrëveshja pason muaj të negociatave midis Moskës dhe Kievit.
Oettinger ka thënë se në bazë të marrëveshjes, Ukraina do t’i paguajë Rusisë 1.45 miliard dollarë borxhe brenda ditësh, në mënyrë që Moska të rinisë furnizimet.
Ai ka thënë se Rusia, më pas, do ta ulë çmimin e gazit për Ukrainën për rreth 100 dollarë, përkatësisht në 385 dollarë për 1,000 metra kub.
Kievi pastaj do të ketë qasje në furnizimet me gaz të Rusisë, në këmbim të parapagimit, ka sqaruar Oettinger.
Marrëveshja pritet të përfshijë fonde të BE-së për të ndihmuar Ukrainën që të paguajë borxhet e saj për gjigantin rus të gazit, Gazprom.
“Ne mund të garantojmë siguri të furnizimit gjatë dimrit, jo vetëm për Ukrainën, por dhe për vendet e Bashkimit Evropian”, ka thënë Oettinger.
“Kjo është ndoshta shenja e parë e një politike të mençur dhe funksionale të fqinjësisë së mirë dhe ndoshta dritëza e parë e relaksimit të marrëdhënieve midis dy vendeve fqinje”, ka shtuar Oettinger.
Ministri i Energjisë i Ukrainës, Yuri Prodan, ka thënë se vendimi i marrë ofron siguri të energjisë për Ukrainën dhe Bashkimin Evropian.
Moska ka ndërprerë furnizimet me gaz për Ukrainën në mes të qershorit, duke thënë se ajo i ka borxh 5.3 miliardë dollarë.
Mosmarrëveshja ka ndodhur në kohën e konfliktit midis dy vendeve, për shkak të aneksimit të Krimesë nga ana e Rusisë dhe mbështetjes së vazhdueshme politike dhe ushtarake të Moskës për separatistët pro-rusë në lindje të Ukrainës.
Pasi Ukraina mbështetet në Rusinë për rreth 50 për qind të gazit, fillimi i dimrit e ka bërë të nevojshme një marrëveshje më urgjente.
Rusia po ashtu plotëson një të tretën e nevojave të Bashkimit Evropian për gaz dhe gjysma e kësaj sasie kalon përmes Ukrainës.
Pas nënshkrimit të marrëveshjes, ministri rus i Energjisë, Aleksandr Novak, ka thënë se Moska mbetet një “furnizues i besueshëm” i energjisë në Evropë.
Presidenti në largim i Komisionit Evropian, Jose Manuel Barroso, i cili ka mbikëqyrur nënshkrimin, e ka vlerësuar lart marrëveshjen.
“Përgjegjësia politike, logjika e bashkëpunimit dhe ndjenja e thjeshtë ekonomike kanë mbizotëruar. Ky është një hap i rëndësishëm për sigurinë tonë të përbashkët të energjisë në kontinentin evropian”, ka thënë Barroso.
Liderët e Francës dhe Gjermanisë kanë thënë përmes një deklarate të përbashkët se Bashkimi Evropian “do të luajë plotësisht rolin e tij” për zbatimin e marrëveshjes së gazit.
Francois Hollande dhe Angela Merkel kanë thënë se kanë biseduar me presidentin e Rusisë, Vladimir Putin, dhe atë të Ukrainës, Petro Poroshenko, dhe se të katërtit kanë mirëpritur marrëveshjen për shpëndarjen e gazit rus në Ukrainë, të arritur falë ndërmjetësimit të Bashkimit Evropian. /rel/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
FASAL paraqet inovacionet e reja në Global Albanian Gastronomy Festival
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
Ekzaminime falas për kancerin e gjirit në Albi Mall më 12 dhe 13 tetor
AKK kërkon ndryshime në Ligjin për tatimin në pronë: Faturat mund të rriten deri në 300 përqind
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës