Rregullat e FIFA-s ia lejojnë Unitedit ta shkëpusë kontratën e Ronaldos pa paralajmërim

Manchester United mund të ndërpresë kontratën e Cristiano Ronaldos për shkak të intervistës së fundit, duke prishur imazhin e klubit.

Portugezi ka dhënë një intervistë shpërthyese për Piers Morgan, në të cilën ai kritikon hierarkinë e klubit anglez, pranoi se nuk ka respekt për trajnerin Erik ten Hag dhe pretendon se klubi po përpiqet ta detyrojë atë të largohet.

Pesë herë fituesi i Topit të Artë pretendon gjithashtu se United tregoi mungesë “ndjeshmërie” për të kur vajza e tij u shtrua në spital në korrik dhe se ai “nuk kishte dëgjuar kurrë” për trajnerin e mëparshëm Ralf Ragnick.

Intervista në “TalkTV” , e cila transmetohet të mërkurën dhe të enjten, ka të ngjarë të shënojë fundin e qëndrimit të dytë të Ronaldos në “Old Trafford”.

Ndërkohë, rregullat zyrtare të FIFA-s thonë: “Një kontratë mund të ndërpritet nga secila palë pa pasoja të çfarëdo lloji (qoftë pagesa e dëmshpërblimit ose vendosja e sanksioneve sportive) kur ka arsye të drejtë”.

Në anën tjetër, edhe avokati i futbollit, David Seligman, ka thënë se ekziston mundësia që Ronaldo të mbetet pa klub në fund të afatit kalimtar të janarit.

“Man United ka të ngjarë të ketë arsye për të ndërprerë kontratën e Ronaldos – shkelje materiale e detyrës së nënkuptuar të besimit, si dhe kushte të shprehura në lidhje dëmtimin e reputacionit të klubit”.

“Rregullat/jurisprudenca e FIFA-s për regjistrimin e lojtarëve nuk janë aq të thjeshta. United mund të ndërpresë kontratën, por të mbajë regjistrimin e lojtarit për qëllime të kompensimit nëse ndërprerja është shkaktuar nga sjellja e Ronaldos”, ka shkruari ai. /Telegrafi/