Ronaldo për het-trikun: Fitorja më e rëndësishme se golat, presion mbi Interin

Cristiano Ronaldo është ndarë i kënaqur me het-trikun, por insiston se është më e rëndësishme që Juventusi t’i bëjë presion ndaj Interit.

CR7 ishte ylli i shfaqjes në Torino ndaj Cagliarit, ku shënoi tre gola dhe dha një asistim për Gonzalo Higuainin.

“Gjëja më e rëndësishme është që skuadra të fitojë”, ka thënë ai  për Sky Sport Italia.

“Ne luajtëm mirë dhe krijuam shumë raste shënimi. Unë jam i kënaqur me het-trikun, por gjëja më e rëndësishme ishte të fitonim dhe t’i bënim presion Interit”.

“Ne po përmirësohemi ndeshje pas ndeshje, jo vetëm në mbrojtje, por edhe në mesfushë dhe sulm. Ne jemi një skuadër e plotë dhe duhet të punojmë së bashku në çdo lëvizje”.

Juventus ka tri pikë më shumë se Interi, që kanë një udhëtim të ndërlikuar në Napoli.

“Nuk e di nëse do ta shikoj ndeshjen, por padyshim shpresoj që Interi të humbasë, sepse kjo do të na ndihmojë. Në çdo rast, ne kemi bërë atë që duhej të bënim dhe  vetëm mund të presim tani”, ka thënë Ronaldo.

Ronaldo ka aktualisht 13 gola në Serie A dhe është i dyti në renditje pas Ciro Immobiles që ka 19 gola. /Telegrafi/

https://www.youtube.com/watch?v=KakRr9R-lUo