Real Madridi kërkon të mbyllë çështjen e kualifikimit, Atalantës i duhet paraqitje perfekte – formacionet e mundshme

Real Madridi do të jetë nikoqir i Atalantës për takimin e dytë që luhet në kuadër të 1/8 së finales në Ligën e Kampionëve.

Los Blancos e fituan takimin e parë në Itali me rezultat 1-0, derisa sonte nga ora 21:00 në stadiumin ‘Alfredo di Stefano’ do të shpresojnë që të mbyllin çështjen e kualifikimit.

Nuk duhet përjashtuar se Atalanta mund të shkaktojë befasi, pasi është një skuadër që luan futboll tejet sulmues dhe ka lojtarë cilësor.

Mirëpo, për dallim nga takimi i parë, Zinedine Zidane do të mund të llogarisë në Karim Benzeman, Sergio Ramosin dhe Marcelon që ishin të lënduar.

View this post on Instagram

A post shared by Telegrafi Sport (@telegrafisport)

Real Madrid është pa Casemiron e pezulluar dhe Eden Hazard, Dani Carvajal, Alvaro Odriozola e Mariano Diaz të lënduar.

Remo Freuler ishte suspenduar me karton të kuq nga takimi i parë dhe do të mungojë, gjersa Bosko Sutalo e Hans Hateoer janë të lënduar.

Formacioni i mundshëm i Real Madridit: Courtois; Vazquez, Ramos, Varane, Mendy; Kroos, Modric, Valverde; Vinicius, Benzema, Asensio.

Formacioni i mundshëm i Atalantës: Sportiello; Toloi, Romero, Berat Gjimshiti; Maehle, De Roon, Pessina, Gosens; Pasalic; Muriel, Zapata. /Telegrafi/