Rangnick: Kalimi im te Milani do të ishte lëvizje jo e mençur

Ralf Rangnick ka thënë se nuk do të ishte lëvizje e mençur marrja e drejtimit të Milanit pas ‘periudhës pozitive’ të Stefano Pioli në San Siro.

Ish-drejtori i Red Bull ka ndërprerë kontratën e tij me Red Bull dhe raportohet se dëshiron një rikthim në stërvitje.

Ai ishte në bisedime me Milanin në lidhje me një rol menaxher këtë vit, por lëvizja për ish-trajnerin e RB Leipzig nuk u materializua kurrë dhe gjermani tani mendon se kjo gjë është për të mirë.

Lexo po ashtu Rangnick dëshiron drejtimin e një klubi të Ligës Premier

“Milani ka bërë shumë mirë që nga rinisja e kampionatit, me nëntë fitore dhe tre barazime. Nuk do të ishte e mençur të shkoja atje”, ka thënë fillimisht Rangnick për Suddeutsche Zeitung.

“Nuk ka rëndësi se nga cili këndvështrim shikoni të gjitha këto, pavarësisht nëse është e imja apo e klubit, nuk do të ishte e mençur”.

Lexo po ashtu Vjen edhe konfirmimi nga agjenti: Rangnick nuk do të shkojë te Milani, nuk është momenti i duhur për bashkëpunim

“Nëse e vendosja veten në këpucët e tifozëve të Milanit, pavarësisht nëse janë trajnerë, drejtorë sportivë, futbollistë apo tifozë, vështirë se do ta kuptoja pse Milani do të kishte dashur të ndryshonte gjithçka pas një periudhe kaq pozitive”, përfundoi gjermani.

Milani përfundoi i gjashti në Serie A dhe e përfundoi sezonin në një seri si i pamposhtur në 12 ndeshje që nga rifillimi në qershor. /Telegrafi/