Maqedonia e Veriut ndodhet në ditën e tretë të karantinës prej 85 orëve e cila ka filluar të premten pasdite dhe përfundon të martën në orën pesë të mëngjesit.
Nga Qeveria e Maqedonisë së Veriut bëjnë të ditur se janë në përpilimin e një plani në bazë të së cilit do fillojë lehtësimi i masave për kufizimin e lëvizjes së qytetarëve si masë për të parandaluar përhapjen e koronavirusit.
Kryeministri i Maqedonisë së Veriut, Oliver Spasovski, të hënën përmes një postimi në profilin e tij në Facebook, ka theksuar se jeta do të fillojë të kthehet në normalitet pas 1 majit.
“Përgatisim plan serioz, pas festave të 1 majit të fillojë procesi i kthimit në normalitet . Kjo nuk do të jetë shpejt, as menjëherë”, ka shkruar kryeministri Oliver Spasovski në profilin e tij, pasi ndodhet në izolim për shkak të kontaktit fizik që ka pasur me kryetarin e komunës së Kumanovës Maksim Dimitrievski i cili javën e kaluar ishte diagnostikuar me COVID-19.
Por, ish ministri i Shëndetësisë, Arben Taravari për Radion Evropa e Lirë thotë se qeveria duhet të fillojë pa u vonuar me lirimin e masave në përputhje me praktikat e vendeve të Evropës, duke theksuar se në këtë drejtim duhet informuar punëdhënësit për rregullat e reja që duhet t’i aplikojnë, veçanërisht pas hapjes së bizneseve të vogla.
“Nëse analizojmë numrin e të infektuarve gjatë dy javëve të fundit do të shohim se në Maqedoninë e Veriut kemi stabilizim të situatës respektivisht të numrit të të infektuarve me virusin COVID-19, kështu që nuk duhet pritur 1 maji, por mendoj se që nga kjo javë duhet të prangohet ora policore, përkatësisht ajo të mos filloj në orën 16:00, por të shtyhet në 18:00 ose orën 19:00″.
“Ndërkohë, është e patjetërsueshme tu përmbahemi të gjitha rekomandimeve që i jep OBSH-ja për të parandaluar përhapjen e koronavirusit. Kështu që edhe një herë e theksoj se Maqedonia e Veriut nuk duhet të vonohet duke i përcjellë hapat e Serbisë, por duhet të ketë strategjinë e vet sepse tashmë kemi stabilizim të rasteve me infeksion me COVID-19”, thotë Taravari.
Ndërkohë Qeveria e Maqedonisë së Veriut ka vendosur masa të veçanta për tri qytete, Tetovë, Kumanovë dhe Prilep, si rezultat i shtimit të numrit të rasteve në këto qytete.
Në Tetovë, Kumanovë dhe Prilep nga e mërkura të gjithë qytetarët do të jenë të obliguar të mbajnë maska dhe dorëza pas daljes nga shtëpia në rrugë, hapësira publike, në punë, dyqane dhe cdo institucion ku do të kërkojnë shërbime.
Përderisa nga nesër ndalohet çdo hyrje-dalje nga qyteti i Tetovës, përpos transportit të organizuar të pjesëtareve të forcave të sigurisë dhe ekipeve të zjarrfikësve.
Kryetarja e komunës së Tetovës, Teuta Arifi është shprehur kundër masave të reja të vendosura nga Qeveria me të cilin qytetarët e Tetovës, obligohen të përdorin maska sapo të dalin nga shtëpia, me ç`rast ka bërë të ditur se shtab i krizës, nga ky qytet do të kërkojë nga Qeveria që mbajtja e maskave të jetë e obligueshme vetëm në ambientet e mbyllura.
Duhet theksuar se është hera e parë nga shpërthimi i pandemisë së koronavirusit që vendoset si masë mbajtja e detyrueshme e maskave dhe dorezave.
Për Ilir Lumën, mjek, është e pakuptimtë që Tetova të vendoset në rrafsh të njëjtë me Kumanovën përderisa numri i të infektuarve në Tetovë është shumë herë më i ulët dhe nuk ka tendencë të rritjes drastike të lakores ashtu siç është në Kumanovë.
“Të vihet një qytet ku nuk ka indicje, kjo është në kundërshtim me të drejtat dhe liritë individuale. Kështu që unë këto masa i shoh më shumë si tendencë e një provenience politike për të grumbulluar poenë politik sesa do të ishin në funksion të mbrojtjes së shëndetit të qytetarëve”, thotë për Radion Evropa e Lirë, Luma.
Në qytetin e Kumanovës janë regjistruar 338 raste me koronavirus përderisa në Tetovë me këtë virus janë të prekur 57.
Ndryshe, në Maqedoninë e Veriut janë realizuar 12 mijë e 133 testime për praninë e virusit COVID-19 , prej të cilëve deri të hënën si pozitiv kanë rezultuar 1 mijë e 225./REL/
Promo
Reklamo këtuLufta Prigozhin - Putin
Më shumëÇahet toka në kodrat e Porto-Romanos, banorët ngrenë dyshime
Fule: Është zhdukur plotësisht i ashtuquajturi motor i zgjerimit në BE
Vdekja e ish-presidentit gjerman, Sejdiu: Kohler nënshkroi letrën për njohjen e pavarësisë së Kosovës
Ngjarje e rëndë në Tiranë, babai vret djalin e tij
Një 25-vjeçar gjendet i vdekur në një motel në Gjilan, dyshohet se ishte i shoqëruar nga një djalë
Gjuajtje me armë në Prishtinë, policia nis hetimet
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Më të lexuarat
Dalin shifrat, sa emigrantë nga Shqipëria e Kosova në SHBA mund të dëbohen pas urdhrit të Trump
Tre lojtarët që Ronaldo i kishte kërkuar Real Madridit t'i transferonte në vitin 2017 - por Perez refuzoi
Dyshime se planifikonin vrasje, avokatja e familjes Elshani: Familja ishte e gatshme të ofronte gjithçka që kishin
Vinicius i dërgon mesazh Arabisë Saudite pas mega-ofertës që ka pranuar
Afati kalimtar i janarit: Transferimet minutë pas minute, emra të mëdhenj në bisedime
Ronaldo thotë se Man City do të ketë 'frikë' nga Real Madridi, pasi është bërë parashikimi i Ligës së Kampionëve