Publikohet videoja e fluturimit të parë të formacionit të një fluturake turke pa pilot me aeroplanë tjerë luftarakë

Kompania turke Baykar publikoi një video që tregon fluturimin e aeroplanit luftarak pa pilot Kizilelma i shoqëruar nga aeroplanë të tjerë luftarakë në Panairin e Teknologjisë të mbajtur në Stamboll nga 27 prilli deri më 1 maj.

Më shumë se një muaj pas panairit, kompania Baykar vendosi të shfaqte publikisht një fluturim të përbashkët testues në të cilin, përveç Kizilelma-s dhe aeroplanëve luftarakë, mori pjesë pak më vonë edhe aeroplani pa pilot Bayraktar Akinci, transmeton Telegrafi.

“Fluturaket pa pilot Kizilelma dhe Akinci janë befasues dhe kanë kryer fluturimin e parë të përbashkët në publik në qiellin mbi Stamboll”, thuhet në përshkrim.

Përveç mjeteve ajrore pa pilot, në fluturimin e përbashkët morën pjesë edhe aeroplanët F-5 dhe F-16 të ekipit akrobatik të Forcave Ajrore turke SoloTürk.

“Aeroplanët kryen një performancë duke kryer një fluturim formacioni. Këto koncepte fluturimi, të cilat mund të përshkruhen si një epokë e re në historinë e aviacionit botëror, do të udhëheqin gjithashtu betejat ajrore në të ardhmen”, u tha nga kompania turke.

Aeroplani turk pa pilot Kizilelma kreu disa fluturime testuese dhe në fund të marsit, ku u njoftua se aeroplani kishte përfunduar me sukses testin e identifikimit të sistemit të lartësisë së mesme. /Telegrafi/