PSG e gatshme ta transferojë Cristiano Ronaldon

Fjalët e Cristiano Ronaldos pas finales së Ligës së Kampionëve “Ishte ndjenjë e mirë të ishe pjesë e Real Madridit, në ditët e ardhshme do të flas për të ardhmen time), nuk kanë rënë në vesh të shurdhër në mesin e skuadrave të mëdha të Evropës.

E para raportohet se ka reaguar Paris Saint-Germain, e cila ka kohë që i dëshiron shërbimet e portugezit dhe tashmë raportohet se ka bërë një ofertë në drejtim të madrilenëve.

Kampioni i Ligue 1 ëndrron që n repartin sulmues të ketë Cristianon së bashku me Neymarin dhe Kylian Mbappen.

Francezët thuhet se po i ofrojnë një pagë vjetore prej 45 milionë euro, duke e barazuar atë me të Lionel Messit.

Megjithatë, kjo dëshirë e presidentit Naseer Al-Khelaifi ka dy pengesa. E para, Madridi nuk është e interesuar ta shes lojtarin e tyre më të mirë dhe po kërkojnë shërbimet e Neymarit. Gjithashtu edhe klauzola e largimit të CR7 është një miliard euro.

Problemi tjetër për klubin francez mund të jetë edhe Kontrollit Financiar i UEFA-s, e cila kishte penalizuar njëherë në vitin 2014 parisienët.

Ndryshe, Edinson Cavani, Guedes dhe Angel di Maria janë tre prej emrave që tashmë janë duke kërkuar angazhim të ri dhe me këto para do të zbusin sado pak bilancin negativ. /Telegrafi/