Problemet tek Barcelona nuk kanë të ndalur, një tjetër lojtar lëndohet me kombëtaren

Barcelona tashmë ka pasur tre lojtarë që kanë vuajtur nga problemet me lëndime në shtatë ditët e fundit. Robert Lewandowski pësoi një lëndim në kyçin e këmbës kundër Portos të mërkurën e kaluar, ndërsa Jules Kounde dhe Lamine Yamal u lënduan kundër Granadas të dielën.

Polaku dhe francezi do të mungojnë për disa javë, ndërsa lëndimi i sensacionit spanjoll nuk është shumë serioz, por e ka detyruar atë të tërhiqet nga skuadra e Spanjës për ndeshjet e tyre kualifikuese për Euro 2024 kundër Skocisë dhe Norvegjisë.

Ai mund të mos jetë i vetmi lojtar i Barcelonës që largohet nga kampi i “La Roja”, pasi Carrusel Deportivo ka raportuar se Gavi gjithashtu pësoi një lëndim gjatë stërvitjes të martën. Në këtë fazë ende nuk dihet shkalla e lëndimit.

Lexo po ashtu U shfaq i nervozuar me disa tifozë të Barcelonës - vjen reagimi i Joao Cancelos

Barcelona do të dëshirojë të dijë sa më shpejt shkallën e lëndimit të Gavit por dëshpërimi natyrisht që nuk mungon në kampin katalan për shkak të frikës se lëndimi mund të jetë serioz.

Gjëja e fundit që i duhet Xavi Hernandez është një tjetër lojtar që mungon përpara një serie të rëndësishme të ndeshjeve.

Lexo po ashtu Barcelona në ‘gjah’, synon të përforcohet në tri pozita

Në më pak se 3 javë, Barcelona do të jetë nikoqir i Real Madridit në atë që njihet ndryshe në mbarë globin si “El Clasico” dhe deri atëherë do shpresojnë që disa prej lojtarëve të lënduar të rikuperohen./Telegrafi/