Prizreni pret rivalët e vjetër

Java e dytë në Vala Superligën e Kosovës në futboll do të fillojë me një derbi të madh.

Dy skuadrat ndër më të mëdhatë në vendin tonë, Liria dhe Prishtina do të përballen me njëra tjetrën.

Vendasit e nisën me humbje këtë edicion në elitën e futbollit kosovar duke pësuar me rezultat minimal 2:1 nga Drenica, edhe pse kishin rast të artë për ta marrë një pikë por humbën një penallti.

Ndërkohë Prishtina që është edhe favorite për ta fituar titullin e ka nisur me fitore edicionin e ri të garave pasi në Kastriot mposhti 3:1 Llapin.

Kjo ndeshje do ta vë përballë ish-skuadrës së tij trajnerin e Lirisë, Ramiz Krasniqin i cili ka qenë për një kohë të gjatë në bankë te Prishtina.

Bardh e kaltërit janë favoritë për këtë takim, mirëpo nuk duhet harruar që në Prizren, Liria vështirë se lëshon pikë.

Ndërkohë ndeshjet tjera do të zhvillohen ditën e diel dhe të gjitha fillojnë në ora 16:00. /Telegrafi/

E shtunë, 27.08.2016

Liria – Prishtina SSK

E diel, 28.08.2016

Gjilani – Feronikeli SSK

Trepça ’89 – Drita SSK

Llapi – Trepça

Besa – Ferizaj

Hajvalia – Drenica