Presidenti Meta kishte paralajmëruar për tërmetet e fundit që ndodhën në Shqipëri

Presidenti i Shqipërisë, Ilir Meta në fund të muajit korrik kishte paralajmëruar tërmetin që ndodhi sot në Shqipëri dhe për atë të muajit shtator.

Meta kishte thënë se është informuar nga mediet ndërkombëtare mbi paralajmërimin për një termet godasë Ballkanin.

Po ashtu, përmes një letre, ai u ishte drejtuar kryeministrit Edi Rama, ministrit të Brendshëm, Sandër Lleshaj dhe ministres së Mbrojtjes, Olta Xhaçka, rreth tërmetit.

Ai duke cituar një sizmolog grek, kishte thënë se Ballkani do të goditet nga tërmet, duke kërkuar llogari qeverisë për masat e marra dhe kërkon informacion mbi situatën.

Lexo po ashtu Meta thotë se një tërmet i fuqishëm pritet ta godasë Ballkanin

“Nëpërmjet mediave ndërkombëtare dhe kombëtare jam informuar mbi paralajmërimin për një tërmet apokaliptik që pritet të godasë Ballkanin. Paralajmërimi ka ardhur nga sizmiologu i njohur, zoti Akis Tselentis, drejtor i Institutit Gjeodinamik Obsarvatori Kombëtar i Athinës. Për shkak të karakteristikave të veta sizmike vendi ynë është një nga vendet me sizmicitetin më të lartë në Evropë. Prandaj Shqipëria është një vend i kërcënuar nga kjo dukuri natyrore”, kishte shkruar Meta.

Lidhur me këtë, analisti Armend Muja, në profilin e tij në Facebook ka shkruar se vendi ynë është në zonën me probabilitet relativisht të lartë të rrezikut.

Muja kërkon që të reflektohet në kurikulat shkollore, kodet e ndërtimit, politikëbërjes dhe secilës organizatë për mënyrat e adaptimit me tërmetet.

“Tërmeti në Shqipëri: Më 29 korrik 2019, presidenti Ilir Meta i ishte drejtuar me një letër kryeministrit Edi Rama për mundësinë e një tërmeti të fuqishëm në Shqipëri. Gjate verës se kaluar opinioni publik në Shqipëri dhe Kosovë ishte tallur me të. Edhe në Kosove ka pak vetëdijesim për tërmetet. Por, në bazë të Fondacionit Botëror për Modelimin e Tërmeteve, ne jemi në zonën me probabilitet relativisht të lartë të rrezikut. Ne raportin e tyre për Kosovën nënvizohen Prizreni dhe Prishtina si zonë me rrezikshmëri posaçërisht të lartë. Është koha të relflektohet në kurikulat shkollore, kodet e ndërtimit, politikëbërjes dhe secilës organizatë për mënyrat e adaptimit me tërmetet. Kili ishte prekur nga një termet shume me i fuqishëm se Shqipëria vitin e kaluar (9.3 shkallë) dhe kishte me pak viktima. Kjo në saje të përgatitjes dhe vetëdijesimit”, shkruan Muja.

Kujtojmë se më 21 shtator një tërmet prej 5.8 ballësh ka goditur Tiranën dhe Durrësin, i cili, përveç dëmeve materiale ka shkaktuar edhe dhjetëra të lënduar.

Lexo po ashtu Shqipëria u godit nga dy tërmete të fuqishme: 23 të vdekur, mbi 600 të lënduar dhe shumë dëme materiale

Dita e sotshme filloi me disa tërmete të fuqishme në Shqipëri, i pari u regjistrua në orën 04:00 me shkallë të Rihterit 6.4 në Durrës, ndërsa i dyti i fuqishëm ishte me magnitudë 5.4 shkallë të Rihterit dhe u regjistrua në ora 07:10. Deri më tani raportohet për 15 viktima dhe 600 plagosur. /Telegrafi/