LAJMI I FUNDIT:

Shqipëria u godit nga dy tërmete të fuqishme: 23 të vdekur, mbi 600 të lënduar dhe shumë dëme materiale

Shqipëria u godit nga dy tërmete të fuqishme: 23 të vdekur, mbi 600 të lënduar dhe shumë dëme materiale

E marta (26 nëntor) filloi me disa tërmete të fuqishme në Shqipëri, i pari u regjistrua në orën 04:00 me shkallë të Rihterit 6.4 në Durrës, ndërsa i dyti i fuqishëm ishte me magnitudë 5.4 shkallë të Rihterit dhe u regjistrua në ora 07:10.

Dridhjet janë ndier shumë edhe në Kosovë, por nuk ka raportime për të lënduar, ndërsa në Shqipëri deri në orën 20:00 janë raportuar për 21  viktima dhe shumë të lënduar, më poshtë Telegrafi iu mban të informuar në kohë reale me atë që po ndodh në Shqipëri.

Postet:
Mbylle
26/11/2019 23:22

Lajme të rreme për një tërmet që mund ta godas Shqipërinë

Lajme që nuk janë të bazuara në informata kredibile dhe zyrtare janë shpërndarë nëpër rrjete sociale, që thonë se pas mesnate Shqipëria do të goditet nga një tjetër termet i fuqishëm.

Lajmi i plotë.

26/11/2019 22:52

Mblidhen pako me ushqim e veshmbathje në komunat e Kosovës, niset konvoji i parë me ndihma për në Shqipëri

Në Prishtinë, Mitrovicë, Gjilan e Ferizaj, janë mbledhur pako me ushqim e veshmbathje për familjet e prekura nga tërmetet sot në Shqipëri.

Në Prishtinë tifo grupi “Plisat” ka organizuar aksion për gumbullimin e gjërave të nevojshme si ushqim e veshmbathje ku gjatë ditës janë nisur për në Shqipëri.

Lajmi i plotë.

26/11/2019 22:47

Qëndroi për 17 orë nën beton, ndërron jetë i riu në Thumanë, shkon në 23 numri i të vdekurve

Është shënuar një tjetër viktimë në Shqipëri nga tërmeti i sotëm, që e ka çuar në 23 numrin e personave të vdekur.

Pasi kishte qëndruar për 17 orë nën rrënoja me ndihmën e popmës së oksigjenit, autoritetet lokale kishin shpresuar se i riu mund të nxirrej i gjallë nga aty.

Lajmi i plotë.

26/11/2019 22:03

Presidenti Meta: Kosova dha shembullin e shkëlqyer të solidaritetit dhe vëllazërisë

Presidenti i Shqipërisë, Ilir Meta ka falënderuar popullin e Kosovës për solidaritet me Shqipërinë pas tërmetit shkatërrimtar.

Meta, në një linjë telefonike në “Debat Plus” me Ermal Pandurin në RTV Dukagjini, ka thënë se Shqipëria ka qene e goditur nga tërmetet edhe para se ai të bëjë një paralajmërim për të ngritur masat në mënyrë që të përballen më situata të tilla më me efikasitet.

Lajmi i plotë.

26/11/2019 21:56

Edi Rama viziton të plagosurit në spital: Kjo ka qenë një ditë e rëndë për kombin shqiptar

Kryeministri i Shqipërisë, Edi Rama ka vizituar të plagosurit e tërmetit në Spitalin e Traumës dhe ka folur për mediat, duke thënë se nata e djeshme ishte nata më e keqe për të gjithë kombin shqiptar.

Ai po ashtu ka përgëzuar të gjitha strukturat që kanë dhënë ndihmë në teren, për përpjekjet heroike të bluazve të bardha, të cilët pa pushim po punojnë për të shpëtuar jetën e të plagosurve.

Lajmi i plotë.

26/11/2019 21:38

Banori nga Thumana: I kam katër anëtarë të familjes nën rrënoja, ushtarët e Kosovës po rrezikojnë jetën e tyre duke na ndihmuar

Vazhdojnë të vijnë rrëfime rrëqethëse nga Thumana për punën e Ushtrisë së Kosovës në përpjekje për të shpëtuar sa më shumë jetë pas tërmetit që shkaktoi shumë viktima.

Në një lidhje direkte për “Debat Plus” në RTV Dukagjini, një familjar, i cili thotë se ka nën rrënoja shumë familjarë, ka falënderuar shumë ushtarët e Kosovës.

Lajmi i plotë.

26/11/2019 21:34

Limaj në cilësinë e Koordinatorit Kombëtar: Kosova ka hap dyert për strehim familjeve shqiptare

Koordinatori Kombëtar i dy qeverive shqiptare, Fatmir Limaj, ka thënë se të gjitha komunat e Kosovës, janë të gatshme t’i strehojnë gjithë ato familje që kanë mbetur pa kulm mbi kokë.

Lajmi i plotë.

26/11/2019 21:23

Korporata ‘Dukagjini’ ndan 20 mijë euro për familjet e prekura nga tërmeti

Korporata ‘Dukagjini’ ka marr vendim që të ndaj 20 mijë euro ndihmë për të gjithë të prekurit nga tërmeti shkatërrimtar që ka goditur Shqipërinë.

Lajmi është bërë i ditur para pak minutash në emisionin Debat Plus të RTV Dukagjini, ku po diskutohet pikërisht për zhvillimet pas tërmetit.

Lajmi i plotë.

26/11/2019 21:20

Shkon në 22 numri i të vdekurve nga tërmeti në Shqipëri

Bilanci i viktimave nga tërmetet e sotme që kanë goditur Shqipërinë po shtohet vazhdimisht. Është bërë e ditur se numri i të vdekurve ka shkuar në 22.

Një nënë ka ndërruar jetë para pak çastesh, edhe pse ajo u nxor e gjallë nga rrënojat. Bëhet fjalë për 30-vjeçaren nga Durrësi, Diana Meçe.

Lajmi i plotë.

26/11/2019 21:13

Drejtori i Institutit Sizmologjik të Kosovës akuza për institucionet e Shqipërisë: E palogjikshme që një tërmet i tillë të shkaktojë aq shumë dëme

Drejtori i Institutit Sizmologjik të Kosovës, Shemsi Mustafa ka kritikuar institucionet përgjegjëse në Shqipëri për neglizhim të situatës.

Mustafa, në “Debat Plus” me Ermal Pandurin në RTV Dukagjini ka thënë se është e palogjikshme që tërmeti me një magnitudë të tillë të shkaktojë aq shumë dëme, përcjell Telegrafi.

Lajmi i plotë.

26/11/2019 21:04

Thaçi ngushëllon familjen e vëllezërve nga Gjilani, që humbën jetën nga tërmeti

Presidenti i Kosovës, Hashim Thaçi, i ka shprehur ngushëllime familjes Abazi nga Livoçi i Gjilanit për humbjen e dy vëllezërve si pasojë e tërmetit në Shqipëri.

Lajmi i plotë.

26/11/2019 20:14

Rrëfimi i banorit të Thumanës: Kati i parë ma shpëtoi familjen, katër sipër nesh vdiqën e për dy tjerë s’ka shpresë

Derisa mbrëmja tashmë ka arritur, banorët e Thumanës, fshatit më të prekur nga tërmeti në Shqipëri ende nuk kanë një strehë mbi kokë.

Banori i këtij fshati, Vladimir Haxhiu, në një videolidhje për RTV Dukagjinin ka rrëfyer momentet e vështira të mëngjesit të ditës së sotshme.

Lajmi i plotë.

26/11/2019 20:08

Pamje, momenti kur burri nxirret i gjallë nga rrënojat e pallatit në Thumanë

Një person është nxjerrë i gjallë nga forcat e kërkim-shpëtimit, ndërkohë që po vazhdon kërkimi edhe për persona të tjerë.

Në videon e siguruar nga tch, shihet kur një burrë, mbi të 30-at duke komunikuar me forcat e kërkim-shpëtimit.

Lajmi i plotë.

26/11/2019 20:00

Meta anulon pritjen shtetërore për Ditën e Flamurit në Shqipëri

Presidenti i Shqipërisë Ilir Meta ka vendosur të anulojë pritjen shtetërore me rastin e Ditës së Flamurit dhe Festës së Pavarësisë.

Sipas njoftimit për media anulimi është bërë për shkak të tragjedisë që ka ndodhur sot në Shqipëri, ku pas tërmeteve kanë mbetur të vdekur 21 persona ndërsa rreth 600 të lënduar.

Lajmi i plotë.

26/11/2019 19:57

Thellohet bilanci i tragjedisë së tërmetit, shkon në 21 numri të vdekurve

Një tërmet i fuqishëm 6.3 ballë ka goditur sot Shqipërinë. Zyrtarisht bëhet e ditur se 21 persona kanë humbur jetën, mes tyre 2 fëmijë, kurse 45 persona janë nxjerr të gjallë nga rrënojat.

Lajmi i plotë.

26/11/2019 19:35

Rama: Do të nënshkruajmë marrëveshje me hotele që të strehohen të gjitha familjet e mbetura pa çati

Kryeministri i Shqipërisë Edi Rama ka bërë një reagim për tërmetin e fuqishëm që goditi sot Shqipërinë, duke marrë deri më tani 20 jetë njerëzish dhe duke shembur shumë ndërtesa.

Kreu i qeverisë ka njoftuar se do të nënshkruhet një marrëveshje me strukturat hoteliere të Durrësit, Kavajës dhe edhe Vlorës për të strehuar të gjitha familjet që kanë mbetur pa shtëpi, pasi tërmetit të fuqishëm që goditi Shqipërinë mëngjesin e sotshëm.

Lajmi i plotë.

26/11/2019 19:13

Dy trupa tjerë të pajetë nxirren nga rrënojat, viktimat janë nënë e bir

Raportohet  nga Thumana se ekipet e shpëtimit sapo kanë nxjerrë nga rrënojat dy trupa të tjerë të pajetë, duke e çuar në 20 numrin e të vdekurve nga termeti.

Lajmi i plotë.

26/11/2019 19:06

Ndërpriten operacionet e kërkim-shpëtimit për pak minuta, pasi tërmeti tjetër goditi Thumanë para pak çastesh

Pak minuta më parë është ndjerë një tjetër tërmet në Thumanë dhe kjo ka bërë që për pak minuta të ndërpritet edhe operacioni i kërkim-shpëtimit.

Lajmi i plotë.

26/11/2019 18:50

Pamjet që tregojnë fuqinë shkatërruese të tërmeteve të sotme në Shqipëri

Dita e martë e 26 nëntorit në Shqipëri ka filluar me tërmete të fuqishme, të cilat deri tash shkaktuan vdekjen e 20 personave dhe qindra të lënduar rëndë.

Pamjet në videon e mëposhtme tregojnë banorët të shqetësuar e të frikësuar tej mase, duke kërkuar ndihmë me zë të lartë, po ashtu edhe ndërtesat e rrënuara deri në themel.

Lajmi i plotë.

26/11/2019 18:35

Regjistrohet një termet i ri në Durrës

Sipas raportimeve të fundit një tërmet është regjistruaR para pak minutash në Shqipëri, me fuqi prej 4.52 shkallë të Rihterit.

Tërmeti ka ndodhur në Durrës rreth orës 18:00.

Lajmi i plotë.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori