Synimi i Komunës së Plavës dhe Gucisë për grumbullimin e mbeturinave në Kodrën e Jerinës, ka has në rezistencën e vazhdueshme të banorëve te cilët mbajnë të bllokuar rrugën për tek lokacioni i synuar. Grumbullimi i plehrave në ketë vend, në rrënojat e qytetit të lashtë të mbretëreshës ilire Jerina është e papranueshme për banorët e Martinajve të Plavës dhe Gucisë, të cilëve iu janë bashkangjitur edhe banorët e fshatrave Dosugje dhe Zagrajë dhe diaspora e tyre.
Ky vendimi i njëanshëm për lokacionin e përzgjedhur nga komuna e Plavës buzë rrugës, 350 metra larg lagjeve të banuara të Martinajve dhe mbi burimet dhe depozitat e ujit, shkel mbi çdo konventë ndërkombëtare për të drejtat e njeriut dhe ruajtjen e mjedisit.
Këta banorë të hënën e kaluar, u sprovuan edhe një herë, kur në orët e hershme të mëngjesit dy automjete të Ndërmarrjes Higjieniko-sanitare dhe për çështje Banesore përplot mbeturina, janë nisur për t’ u zbrazur ne Kodrën Jerina. Situatën e kanë mbikëqyrur rreth 40 policë të Plavës dhe Beranit, të cilët kanë pritur urdhrin për të carë bllokadën. Naim Prelvukaj, koordinator i këshillit të fshatit për kundërshtimin e kësaj deponie tha për mediat se banorët do të qëndrojnë pranë kërkesave të tyre.
“Ne do të jemi këmbëngulës në pengimin e hapjes së këtij vendgrumbullimi të hapur mbeturinash. Gjithçka është punuar në mënyrë të jashtëligjshme dhe ne nuk do të lejojmë të realizohen interesat personale të kryetarit të komunës dhe të përfaqësuesve të partive të cilat bëjnë pushtetin në Plavë”, tha Prelvukaj.
Pas mbi një orë pritjeje, policinë dhe kamionët e ndërmarrjes komunale i zbrapsi prezenca e banorëve të gatshëm të mbrojnë mjedisin e tyre edhe me jetë. Përderisa, kryetari i komunës Orhan Shahmanovic i cili mbetet i hapur vetëm për mediat malazeze, për këtë ka fajësuar inspekcionin komunal duke i kërcënuar me shkarkim.
E në bazë të argumenteve që prezantojnë banorët e Martinajve të cilët kanë ngritur edhe aktpadi,ai që duhet shkarkuar është vet kryetari Shahmanovic sepse e tëra bie aromë korrupcioni dhe me parë do duhej te mbyllej dikush prapa grilave sesa te hapet rruga për tek deponia."Për qëllimet e errëta Komuna e Plavës me ndërmarrjen në fjalë, për hedhjen e mbeturinave kishte përzgjedh gjoja parcelën kadastrale 1/1/9 Ko dosugje 2., e cila në të vërtet ndodhet në KO, Martinaj 1. Kjo dëshmon dredhitë e qëllimkëqija duke shtrembëruar të vërtetën, dhe jo vetëm aq!“, ka thënë Prelvukaj.
Për të martën në Martinaj ishte paralajmëruar protesta e radhës, e cila është anuluar përkohësisht pasi pushteti lokal ka shtyrë punimet për vendgrumbullimin e mbeturinave,edhe me mbështetjen e policisë. Qëndresa e popullatës së këtushme do duhej të shërbejë si shembull se si mbrohet e drejta qytetare .Trysnia të cilën përdor pushteti malazez ndaj shqiptarëve të Martinajve, të kujton metodat e regjimit të Milloshevicit ndaj shqiptarëve të Kosovës. Ndërsa, Shqipëria dhe Kosova, duhet të reagojnë kundër presionit dhe nxitjes ndaj një fshati etnikisht të pastër,më parë se Martinajt të shndërrohen në një pikë të re konflikti në Ballkan. /A.B/Telegrafi/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre