Për shkak të luftës në Ukrainë, Gjermania po forcon infrastrukturën e bunkerëve

Gjermania ka filluar punën për forcimin e strehimoreve në bodrume, si dhe ndërtimin e furnizimeve të krizës në rast lufte, raportoi të shtunën gazeta Welt am Sonntag, duke cituar ministrin e brendshëm të vendit.

Pas disa dekadash varfërimi të forcave të armatosura gjermane, pushtimi rus i Ukrainës çoi në një ndryshim të madh të politikës me ardhjen e kancelarit gjerman Olaf Scholz, i cili premtoi të rrisë shpenzimet e mbrojtjes dhe buxhetin e ushtrisë me 100 miliardë euro.

Qeveria po konsideron gjithashtu përmirësimin e sistemeve të strehimoreve publike dhe do të rrisë shpenzimet për mbrojtjen civile, tha më herët Ministrja e Brendshme gjermane, Nancy Faeser.

Die größte Bedrohung für den Frieden in Europa ist aktuell Russlands Krieg. Die größte Bedrohung für unsere Demokratie ist aber weiterhin der Rechtsextremismus. Die Zeiten sind turbulent. Wir stellen uns darauf ein, um konsequent für Sicherheit in 🇩🇪 zu sorgen. @WELTAMSONNTAG

— Nancy Faeser (@NancyFaeser) April 9, 2022

Është duke u konsideruar përmirësimi i sistemit të strehimoreve publike dhe shpenzimet për forcimin e kapaciteteve të mbrojtjes civile do të rriten.

“Aktualisht ka 599 strehimore publike në Gjermani. Do të shohim nëse mund të përmirësojmë më shumë sisteme të tilla. Në çdo rast, çmontimi është ndaluar”, tha Faeser.

Gjermania po punon për koncepte të reja të forcimit të parkingjeve nëntokësore, stacionet e metrosë dhe bodrumet për t’i bërë ato strehimore të mundshme ndërsa qeveria u ka dhënë shteteve federale 88 milionë euro për të instaluar sirena të reja.

“Por kur bëhet fjalë për mbulimin në të gjithë vendin, ne nuk jemi as afër”, shtoi Faeser.

Gjermania do të ndërtojë magazina për pajisje mjekësore, veshje mbrojtëse, maska dhe ilaçe. /Telegrafi/