Pedro, lojtari i duhur për Manchester United

Trajneri i Manchester Unitedit, Louis van Gaal ka mohuar se klubi i tij ka arritur marrëveshje me sulmuesin e Barcelonës, Pedro, por ka insistuar se ai është lojtari që Unitedi ka nevojë.

Pedro dëshiron një largim nga Camp Nou për shkak të minutazhës së vogël që po i afrohet nga trajneri i tij, raporton Goal.com. Sulmuesi spanjoll spekulohet se ka arritur marrëveshje me Manchester Unitedin, transmeton Koha.net.

“Duhet ta pyesni Pedron, jo mua”, ka thënë Van Gaal, kur është pyetur për një marrëveshje të arritur.

“Përgjigja ime është se ky është një proces- një klub, një lojtar dhe ne jemi gjithashtu në këtë garë. Nuk do ju them asgjë deri sa ai të nënshkruajë. Atëherë do vij këtu dhe do iu them ‘Pedro është këtu’. Por ende nuk është kjo çështja, prandaj duhet të presim dhe të shohim” është shprehur holandezi për media.

Kur ishte pyetur nëse Pedro është lojtari që Unitedi është duke e kërkuar, i shpejtë dhe direkt, Van Gaal është përgjigjur: “Po, Pedro është një lojtar i tillë, kështu që shkruajeni”. /koha.net/