Pavarësisht se turpëruan Unitedin, Guardiola kritikon ashpër disa lojtarë

Përkundër se Manchester City fitoi 6-3 ndaj Manchester United, Pep Guardiola ka kritikuar disa lojtarë për paraqitjen që bënë në derbi.

Citizens fituan falë het-trikeve të Erling Haaland dhe Phil Foden, por që Djajtë e Kuq u larguar nga “Etihad Stadium” me tri gola të shënuara.

Për këto gola të pësuara, Guardiola ishte i nervozuar dhe ka thënë se disa lojtarë nuk ishin në nivelin e tyre më të mirë.

“Ka qenë një pjesë e parë e shkëlqyer. Shënuam katër gola dhe kemi mundur të shënonim edhe më shumë. Pas pjesës së parë ishte më e vështirë. Ishte fitore e madhe, ndeshje shumë e mirë. Të gjithë në stadium ishin të lumtur dhe u kënaqëm pasi ishte fitore ndaj rivalit. Ishte një pasdite shumë e mirë për ne”, ka thënë fillimisht Guardiola pas derbit.

A good day at the office! 🙌

🔵 6-3 🔴 #ManCity pic.twitter.com/ZiO4dfSDff

— Manchester City (@ManCity) October 2, 2022

“Në përgjithësi ishte shumë mirë sesa agresiv ishim, por natyrisht ata e kanë Bruno Fernandesin dhe Christian Eriksenin, ata kanë kualitete. Ne ishim të vetëdijshëm për hapësirat dhe lojtarët tonë të sulmit e bënë diferencën në pjesën e parë. Ne mund të fitojmë apo të humbim por ka shumë gjëra që mund t’i bëjmë më mirë. Disa lojtarë nuk ishin të mirë sot kështu që duhet të përmirësohen. E përkryera nuk ekziston, është e pamundur. Por ne duhet të provojmë”, përfundoi Guardiola.

“Foden ka dëshirë, mënyra se si vrapon është gjëja kryesore. Ai meriton të luajë në secilën herë dhe ka kualitet. Ai është lojtar i ri dhe është realitet. Ai meriton gjithçka. Haalandi, shifrat flasin vetë. Ai e ka bërë këtë gjë edhe më parë. Ne mundohemi ta ndihmojmë atë në këtë rreth. Shifrat janë të frikshme, me të vërtetë. Ai sheh 10-të lojtarë që vrapojnë pa top, me përpjekje për njëri-tjetrin, dhe të njëjtën gjë dëshiron ta bëj edhe vetë. Ata e shohin, edhe ky e sheh. Për këtë arsye kemi suksese në këto vjetët e fundit. Prapa saj është përpjekja dhe dëshira për të arritur sa më shumë suksese”, u shpreh më tej trajneri i kampionit në fuqi. /Telegrafi/

"In our simple things, we are still not good enough" 🗣

Pep Guardiola has high demands for his side 😅 pic.twitter.com/yMuX6wXbVN

— Manchester City News (@ManCityMEN) October 2, 2022