Pas vendimit të Kushtetueses, Von Cramon: Ndryshimet kërkoni në zgjedhjet e ardhshme

Raportuesja e Parlamentit Evropian për Kosovën, Viola von Cramon, ka reaguar pas vendimit të Gjykatës Kushtetuese e cila i dha të drejtë dekretit të presidentit, Hashim Thaçi.

Von Cramon përmes një postimi në Twtter, ka thënë se nuk ka alternativë tjetër përveç pranimit të këtij vendimi të gjykatës, dhe se ndryshimet duhet kërkuar në zgjedhjet e ardhshme.

“Nuk ka alternativë tjetër përveç pranimit të vendimit të Gjykatës Kushtetuese. Nëse doni ndryshime në peisazhin politik, duhet t’i kërkoni ato në zgjedhjet e ardhshme. Një reagim nga populli mund të jetë i kuptueshëm, por nuk ndihmon për të zgjidhur problemet”, ka shkruar Von Cramon.

Vendimin e Gjykatës Kushtetuese e ka kundërshtuar Lëvizja Vetëvendosje e cila e ka quajtur skandaloz. Ndërkaq për dallim nga LVV-ja, Lidhja Demokratike e Kosovës, Aleanca për Ardhmërinë e Kosovës, Nisma Socialdemokrate e kanë përshëndetur vendimin e Gjykatës Kushtetuese që i jep të drejtë Thaçit për mandatarin Avdullah Hoti. /Telegrafi/

Es gibt keine Alternative außer das Urteils des Verfassungsgerichtes zu akzeptieren. Wer Änderungen in der politischen Landschaft wünscht, muss diese bei den nächsten Wahlen suchen. Ein Reaktion “des Volkes” mag verständlich sein, hilft aber nicht bei Lösung der Probleme. https://t.co/QYXvr4d59F

— Viola von Cramon 🇺🇦🇪🇺🇮🇱 (@ViolavonCramon) May 29, 2020